రాష్ట్రీయం
20నే అఖిలపక్షం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 16: కొత్త జిల్లాల ముసాయిదా నోటిఫికేషన్‌పై చర్చించేందుకు ఈనెల 20న అఖిలపక్ష సమావేశం నిర్వహించాలని సిఎం కె చంద్రశేఖర్ రావు నిర్ణయించారు. ఈమేరకు అధికారులకు ఆదేశాలు జారీ అయ్యాయి. అఖిలపక్ష సమావేశానికి అధికార తెరాస, ప్రధాన ప్రతిపక్షం కాంగ్రెస్ సహా భాజపా, తెదేపా, సిపిఐ, సిపిఎంలను ప్రభుత్వం ఆహ్వానించింది. పార్టీకి ఇద్దరి చొప్పున ప్రతినిధులు హాజరు కావాల్సిందిగా సూచించింది. క్యాంపు కార్యాలయంలో మంగళవారం కొత్త జిల్లాల ఏర్పాటు ప్రక్రియపై మంత్రి జగదీశ్‌రెడ్డి, సిఎంవో ముఖ్య కార్యదర్శి నర్సింగ్‌రావు, కార్యదర్శులు స్మితా సభర్వాల్, శాంతికుమారి, రాజశేఖర్‌రెడ్డి, ఎమ్మెల్సీ పల్లా రాజేశ్వర్‌రెడ్డి తదితరులతో సిఎం చర్చించారు. అఖిలపక్ష సమావేశానికి తనతోపాటు మంత్రివర్గ ఉప సంఘం, భూపరిపాలన కమిషనర్, ప్రభుత్వ ప్రధాన కార్యదర్శితోపాటు రెవిన్యూ, ఆర్థికశాఖ ఉన్నతాధికారులు పాల్గొంటారని పేర్కొన్నారు. అఖిలపక్ష సమావేశంలో ముసాయిదాపై చర్చించిన అనంతరం అదే రోజు సాయంత్రం 4.30కు మంత్రిమండలి ప్రత్యేకంగా సమావేశమై ముసాయిదాను ఆమోదించాలని సిఎం
నిర్ణయించారు. ఇలావుండగా కొత్త జిల్లాల ఏర్పాటుపై అధ్యయనం చేసి ప్రభుత్వానికి మార్గదర్శకాలను సూచించడానికి ఏర్పాటైన మంత్రివర్గ ఉప సంఘం తన నివేదికను ప్రభుత్వానికి గురువారం సమర్పించనున్నట్టు సమాచారం. ఉప సంఘం ఇప్పటికే ఉద్యోగ సంఘాల ప్రతినిధులు, జిల్లాలవారీగా ప్రజాప్రతినిధులతో సమావేశమై అభిప్రాయాలు సేకరించిన విషయం తెలిసిందే. అఖిలపక్ష సమావేశం జరగటానికి ముందు సిసిఎల్‌ఏ కమిషనర్, కలెక్టర్లు, రెవిన్యూ, ఆర్థికశాఖల ఉన్నతాధికారులతో మంత్రివర్గ ఉప సంఘం సమావేశం కానున్నట్టు సమాచారం. అలాగే భూపరిపాలన శాఖ ప్రధాన కమిషనర్ రేమండ్ పీటర్ అధ్యక్షతన ఏర్పాటు చేసిన కమిటీ మరోసారి సమావేశమై ఉద్యోగుల విభజన, జోనల్ వ్యవస్థ, కొత్త జిల్లాలకు వౌలిక వసతుల కల్పన తదితర అంశాలపై చర్చించనున్నట్టు తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.