రాష్ట్రీయం
కూచిపూడి నాట్య గురువు ఉమారామారావు కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
కూచిపూడి, ఆగస్టు 27: ప్రముఖ కూచిపూడి నాట్య గురువు, నాట్యకళకే అంకితమైన పొట్టి శ్రీరాములు తెలుగు విశ్వవిద్యాలయం విశ్రాంత నాట్య శాఖాధిపతి డాక్టర్ కొల్లూరి ఉమారామారావు శనివారం తెల్లవారు జామున హైదరాబాద్‌లో కన్నుమూశారు. 1938 జూలై 4న విశాఖపట్నంలో జన్మించిన ఉమారామారావు 5వ ఏటనే కూచిపూడి నాట్యంలో తొలి అడుగులు వేశారు. ప్రముఖ నాట్య గురువుల వద్ద కూచిపూడి నాట్యం అభ్యసించి నిష్ణాతులయ్యారు. తంజావూరు మహరాజ్ నుహాజి రచించిన యక్షగానాలు, మేలట్టూర్‌కు చెందిన వెంకట్రామయ్య శాస్ర్తీ రచించిన ప్రబంధాలకు కూచిపూడి నాట్యాన్ని జతచేశారు. విష్ణుపల్లకి సేవ ప్రబంధం, శివపల్లకి సేవ ప్రబంధం, గంగాగౌరీ సంవాదం వంటి ప్రబంధాలను రచించారు. కె విశ్వనాథ్ దర్శకత్వంలో వచ్చిన స్వర్ణకమలం చిత్రానికి నృత్యదర్శకత్వం వహించారు. ఇటీవల విడుదలైన హ్యాపీడేస్ చిత్రంలో అతిథి పాత్ర వేశారు. పొట్టి శ్రీరాములు తెలుగు విశ్వవిద్యాలయం ద్వారా వేలాది మంది ఔత్సాహికులకు కూచిపూడి నాట్యంలో శిక్షణ ఇచ్చారు. దేశ, విదేశాల్లో 2వేలకు పైగా ప్రదర్శనలు ఇచ్చారు.
ఉమారామారావు నిర్దేశకత్వంలో డాక్టర్ అలేఖ్య పుంజాల, డాక్టర్ వనజ ఉదయ్, డాక్టర్ భాగవతుల శేతురాం, సరిత దిలీప్ తదితర ప్రముఖ నాట్యాచార్యులు శిక్షణ పొందారు. 2003లో అప్పటి రాష్టప్రతి డాక్టర్ ఎపిజె అబ్దుల్ కలాం చేతులమీదుగా కేంద్ర సంగీత నాటక అకాడమి అవార్డును అందుకున్నారు. ఉమారామారావు మృతి పట్ల కేంద్ర సంగీత నాటక అకాడమీ అవార్డు గ్రహీతలు పసుమర్తి రత్తయ్య శర్మ, డాక్టర్ వేదాంతం రామలింగశాస్ర్తీ, వేదాంతం రాధేశ్యాం, బిస్మిల్లాఖాన్ యువపురస్కార్ అవార్డు గ్రహీతలు వేదాంతం వెంకటాచలపతి, చింతా రవిబాలకృష్ణ, ఏలేశ్వరపు శ్రీనివాస్, కురవి ప్రసాద్, వేదాంతం సత్యనృసింహ శాస్ర్తీ తదితరులు సంతాపం వ్యక్తం చేశారు.
అప్పటి రాష్టప్రతి అబ్దుల్ కలాం నుండి కేంద్ర సంగీత, నాటక
అకాడమీ అవార్డు అందుకుంటున్న డాక్టర్ ఉమారామారావు (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.