రాష్ట్రీయం
అభ్యంతరాల వెల్లువ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 28: కొత్త జిల్లాల పునర్వ్యవస్థీకరణలో భాగంగా ప్రతిపాదిత జిల్లాలు, రెవిన్యూ డివిజన్లు, మండలాల ఏర్పాటులో చేర్పులు, మార్పులను సూచిస్తూ పెద్ద మొత్తంలో ప్రభుత్వానికి ఆన్‌లైన్‌లో వినతులు అందుతున్నాయి. జిల్లాల పునర్వ్యవస్థీకరణపై ఈనెల 22న నోటిఫికేషన్ విడుదల చేస్తూ సెప్టెంబర్ 22లోగా ఆన్‌లైన్‌లో అభ్యంతరాలు, సూచనలు ఇవ్వొచ్చంటూ భూపరిపాలన శాఖ కోరింది. మరుసటి రోజు నుంచే అభ్యంతరాలు, సూచనలు మొదలయ్యాయి. గత ఆరు రోజుల్లోనే 7 వేల 608 అభ్యంతరాలు, సూచనలు ప్రభుత్వానికి అందాయి. ఈ లెక్కన మిగిలిన మూడు వారాల్లో వచ్చే అభ్యంతరాలు, సూచనలు కలుపుకుంటే మొత్తంగా 50 వేల పైచిలుకు రావొచ్చని భూపరిపాలన శాఖ అంచనా వేస్తోంది. వచ్చిన అభ్యంతరాలు, సూచనలను ప్రాథాన్యతాక్రమంలో పరిశీలించి చేర్పులు, మార్పులపై సర్కారుకు నివేదిక అందించేందుకు భూ పరిపాలన శాఖ ఇప్పటి నుంచే కసరత్తు మొదలుపెట్టింది. ఇప్పటి వరకూ జిల్లాలపై 4,477, రెవిన్యూ డివిజన్లపై 2004, మండలాలపై 1127 అభ్యంతరాలు, సూచనలు అందాయి. అత్యధికంగా వచ్చిన వాటిలో కరీంనగర్ నుంచి 2,325 వినతులు అందగా, అతి తక్కువగా నిజామాబాద్ నుంచి 145 అందాయి. జిల్లాల ఏర్పాటుపై అత్యధికంగా వరంగల్ జిల్లాలో ప్రతిపాదిత వరంగల్, భూపాలపల్లి, మహబూబాబాద్, హన్మకొండ నుంచి 1162, మహబూబ్‌నగర్ జిల్లాలో ప్రతిపాదిత మహబూబ్‌నగర్, వనపర్తి, నాగర్‌కర్నూల్ జిల్లాల నుంచి 1113, నల్లగొండ జిల్లాలో ప్రతిపాదిత నల్లగొండ, యాదాద్రి, సూర్యాపేట నుంచి 1080, కరీంనగర్ జిల్లాలో ప్రతిపాదిత కరీంనగర్, జగిత్యాల, పెద్దపల్లి జిల్లాల నుంచి 485, రంగారెడ్డి జిల్లాలో ప్రతిపాదిత వికారాబాద్, మల్కాజ్‌గిరి, శంషాబాద్ జిల్లాల నుంచి 187 వినతులు అందాయి. రెవిన్యూ డివిజన్ల కూర్పుపై అత్యధికంగా కరీంనగర్ జిల్లా నుంచి 1634, వరంగల్ జిల్లా నుంచి 118, మహబూబ్‌నగర్ జిల్లా నుంచి 78, మెదక్ జిల్లా నుంచి 64, ఖమ్మం, నల్లగొండ జిల్లాల నుంచి 33 చొప్పున, ఆదిలాబాద్, రంగారెడ్డి జిల్లాల నుంచి 19 చొప్పున అభ్యంతరాలు, సూచనలు అందగా, అతి తక్కువగా నిజామాబాద్ జిల్లా నుంచి 5, హైదరాబాద్ నుంచి ఒకటి మాత్రమే అందాయి. మండలాల పునర్వ్యవస్థీకరణపై అత్యధికంగా మహబూబ్‌నగర్ జిల్లా నుంచి 214, కరీంనగర్ జిల్లా నుంచి 206, రంగారెడ్డి జిల్లా నుంచి 188, మెదక్ జిల్లా నుంచి 139, వరంగల్ జిల్లా నుంచి 129, నల్లగొండ జిల్లా నుంచి 99, ఖమ్మం జిల్లా నుంచి 64, నిజామాబాద్ జిల్లా నుంచి 62, ఆదిలాబాద్ జిల్లా నుంచి 25 అభ్యంతరాలు, సూచనలు అందాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.