రాష్ట్రీయం
హై అలర్ట్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/చార్మినార్, సెప్టెంబర్ 12: బక్రీద్, గణేశ్ నిమజ్జనం సందర్భంగా ఉగ్రవాదులు దాడులకు పాల్పడవచ్చని కేంద్ర నిఘా వర్గాల హెచ్చరికల నేపథ్యంలో హైదరాబాద్‌లో హై అలర్ట్ ప్రకటించారు. సోమవారం నగర కమిషనర్ మహేందర్‌రెడ్డి, పోలీసు అధికారులతో కలసి పాతబస్తీలో పర్యటించారు. సోమవారం బక్రీదు పర్వదినాన్ని పురస్కరించుకొని ఈద్గా, మసీదులలో జరిగే సామూహిక ప్రార్థనలకు ప్రత్యేక భద్రత ఏర్పాట్లు చేసినట్టు కమిషనర్ మహేందర్‌రెడ్డి తెలిపారు. ఈద్గా, మసీదులు, గణేశ్ మండపాల వద్ద భద్రత ఏర్పాట్లను ఆయన పర్యవేక్షించారు. పండగల సందర్భంగా ఎలాంటి అవాంఛనీయ సంఘటనలు జరుగకుండా భారీ బందోబస్తు ఏర్పాటు చేశామన్నారు. 12వేల మంది పోలీసులు మరో 8వేల మంది అదనపు భద్రతా దళాలు నగరంలో గస్తీ నిర్వహిస్తాయని, నగరవ్యాప్తంగా 12వందల సిసి కెమెరాలను ఏర్పాటు చేశామని, పోలీస్ కంట్రోల్ రూం ద్వారా వీటి పర్యవేక్షణ ఉంటుందని కమిషనర్ చెప్పారు. గత సంవత్సరం సుమారు 65వేల వరకు గణేశ్
విగ్రహాల నిమజ్జనం జరిగిందని, ఈ యేడు 70వేల వరకు విగ్రహాల నిమజ్జన జరగొచ్చని కమిషనర్ అంచనా వేశారు. కాగా ఈనెల 15న ఒక రోజు దాదాపు 15వేల విగ్రహాలు నిమజ్జనానికి తరలి రావచ్చని చెప్పారు. గురువారం ఉదయం గం. 6.00 నుంచే విగ్రహాలు నిమజ్జనం కానున్నాయని, నిమజ్జనం సందర్భంగా నిఘా వర్గాల నుంచి ఎలాంటి హెచ్చరికలు లేవని కమిషనర్ తెలిపారు. పుకార్లు నమ్మవద్దని, సోషల్ మీడియాలో వచ్చే ప్రకటనల పట్ల హైరానా చెందవద్దన్నారు. గణేశ మండపాలు, ప్రార్థన స్థలాల వద్ద అపరిచితుల పట్ల అప్రమత్తంగా ఉండాలని, ఎవరికైనా అనుమానం కలిగితే వెంటనే పోలీసులకు సమాచారం అందించాలని కమిషనర్ మహేందర్‌రెడ్డి కోరారు. ఎవరైనా సోషల్ మీడియాలో తప్పుడు ప్రచారాలు చేస్తే కఠిన చర్యలు తీసుకుంటామని సిపి హెచ్చరించారు.
చిత్రం.. పాతబస్తీలో పెద్దఎత్తున మోహరించిన భద్రతా బలగాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.