రాష్ట్రీయం
స్విస్ చాలెంజ్‌పై అప్పీల్‌ను స్వీకరించిన హైకోర్టు విచారణ నేటికి వాయిదా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 15: స్విస్ చాలెంజ్‌పై హైకోర్టు సింగిల్ జడ్జి ఇచ్చిన స్టేను సవాలు చేస్తూ ఏపి ప్రభుత్వం దాఖలు చేసిన అప్పీల్‌ను హైకోర్టు ధర్మాసనం విచారణకు స్వీకరించింది. అడ్వకేట్ జనరల్ దమ్మలపాటి శ్రీనివాస్ గురువారం ధర్మాసనం ఎదుట వాదనలు వినిపిస్తూ, అమరావతి రాజధాని నగరంలో అభివృద్ధి అనే అంశాన్ని రియల్ ఎస్టేట్ కోణంలో చూడరాదన్నారు. తాత్కాలిక ప్రధాన న్యాయమూర్తి జస్టిస్ రమేష్ రంగనాథన్, జస్టిస్ యు దుర్గా ప్రసాదరావుతో కూడిన ధర్మాసనం ఈ వాదనలను విచారించింది. ఏపి ఏజి శ్రీనివాస్ వాదనలు కొనసాగిస్తూ, రోడ్లు వేసిన తర్వాత, భవనాలు నిర్మించిన తర్వాత మాత్రమే బిల్టప్ ఏరియాను కన్సార్టియం కంపెనీ విక్రయిస్తుందన్నారు. ఈ తరహా ప్రాజెక్టుల్లో సింగపూర్‌కు చెందిన కన్సార్టియంకు మంచి అనుభవం ఉందని, ఈ తరహా ప్రాజెక్టులను గతంలో చేపట్టారన్నారు. టెండర్లలో అర్హత సంపాదించిన కంపెనీలకు మాత్రమే సింగపూర్ కన్సార్టియం ఆఫర్ చేసిన రెవెన్యూ వాటాల వివరాలను వెల్లడిస్తామన్నారు. ఈ కేసులో పిటిషనర్లకు అర్హత లేదన్నారు. రెవెన్యూ వాటాల వివరాలు వెల్లడించాలన్న నిబంధన చట్టంలో లేదని, కాని రెవెన్యూ వివరాలను ఎందుకు ప్రచురించలేదని హైకోర్టు సింగిల్ జడ్జి ఈ విషయాన్ని తప్పుబట్టారని ఆయన హైకోర్టుకు తెలిపారు. టెండర్ల ప్రక్రియలో సాంకేతిక అర్హత ప్రాతిపదికన ఎంపికైన కంపెనీలకు మాత్రమే సింగపూర్ కన్సార్టియం ఆఫర్ చేసిన రెవెన్యూ వాటాల వివరాలను వెల్లడిస్తామని ఆయన కోర్టుకు వివరణ ఇచ్చారు. విదేశీ కంపెనీలకు చెందిన సంస్థలు బిడ్డర్లుగా ఉంటే వర్తించే షరతులపై వివరాలు కావాలని హైకోర్టు అడిగింది. కాగా ఈ అంశంపై దాఖలైన పిటిషన్లలో విచారణకు యోగ్యమైన వివరాలు లేవని ఏజి హైకోర్టుకు తెలిపారు. ఈ సందర్భంగా హైకోర్టు జోక్యం చేసుకుని ఎన్ని కంపెనీలు అమరావతి రాజధాని అభివృద్ధికి ముందుకు వచ్చాయో తెలియచేయాలని కోరింది. అనంతరం ఈ కేసు విచారణ శుక్రవారం కూడా కొనసాగుతుందని హైకోర్టు ప్రకటించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.