రాష్ట్రీయం
‘అనంత’లో హెల్త్ ఎమర్జెన్సీ
S ,7 à 8 RSCA (si SASPAS) et 6 cialis pharmacie cialis rapports de stage.
అనంతపురం, సెప్టెంబర్ 18 : అనంతపురం నగరంలో డెంగ్యూ వ్యాధికి గురై ఇద్దరు చిన్నారులు మృత్యువాత పడిన నేపథ్యంలో నగరంతోపాటు జిల్లావ్యాప్తంగా హెల్త్ ఎమర్జెన్సీ విధించారు. జిల్లా కలెక్టర్ కోన శశిధర్ ఆదేశాల మేరకు జిల్లా వైద్య ఆరోగ్యశాఖ, మున్సిపల్, పబ్లిక్ హెల్త్ శాఖల అధికారులు అప్రమత్తమయ్యారు. మూడోవ రోజు ఆదివారం కూడా కలెక్టరేట్‌లో వరుస సమీక్షలు జరిగాయి. హెల్త్ ఎమర్జెన్సీ నేపథ్యంలో నగర పాలక సంస్థతోపాటు జిల్లాలోని అన్ని మున్సిపాలిటీలు, నగర పంచాయతీల్లో ఆర్‌ఎంపి క్లినిక్‌లను సీజ్ చేశారు. పరిస్థితి అదుపులోకి వచ్చేవరకూ మరో రెండు రోజులపాటు వీటిని మూసి ఉంచేలా జిల్లా యంత్రాంగం ఆదేశాలు చేసింది. డెంగ్యూ, మలేరియా, టైఫాయిడ్, చికున్‌గన్యా వ్యాధులతోపాటు డయేరియాపై కలెక్టర్ కోన శశిధర్, జాయింట్ కలెక్టర్లు లక్ష్మీకాంతం, సయ్యద్ ఖాజామొహిద్దీన్, డిఎంఅండ్‌హెచ్‌ఓ వెంకటరమణ, పబ్లిక్ హెల్త్ జిల్లా అధికారులతో సమావేశమై సమీక్షించారు. అలాగే అనంతపురం నగర పాలక సంస్థ పరిధిలో ఉన్న పందులను యుద్ధ ప్రాతిపదికన నగర శివార్లకు తరలించే చర్యలు ముమ్మురం చేశారు. జిల్లా వైద్య ఆరోగ్య శాఖ అధికారులు, సిబ్బంది, మున్సిపల్ ఆరోగ్య విభాగం అధికారులు, పారిశుద్ధ్య కార్మికులు నగరంలోని పలు మురికివాడల్లో పారిశుద్ధ్య పనులు ముమ్మరం చేశారు. దీనికితోడు ఆదివారం అనంతపురానికి చేరుకున్న డిఎంఎ కన్నబాబుతో కలిసి కలెక్టర్ కలెక్టరేట్‌లో నియోజకవర్గాల వారీ ఏర్పాటు చేసిన కమాండ్ కంట్రోల్ రూమ్‌ను సందర్శించారు. అనంతరం డిఎంఎ నగరంలో పర్యటించి పారిశుద్ధ్య పనులను పరిశీలించారు. జిల్లావ్యాప్తంగా అన్ని ప్రైవేట్ ఆసుపత్రులు, క్లినిక్‌లలో వ్యాధిగ్రస్థుల వివరాల నివేదికలను తెప్పించుకునే ప్రక్రియకు శ్రీకారం చుట్టారు.
చిత్రం.. అనంతపురం ప్రభుత్వ సర్వజన ఆసుపత్రిలో జ్వరపీడిత చిన్నారులు,
వారి తల్లులతో కిటకిటలాడుతున్న చిన్నపిల్లల వార్డు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.