రాష్ట్రీయం
30మంది పోలీసులకు నోటీసులు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 18: గ్యాంగ్‌స్టర్ నరుూం కేసు దర్యాప్తు ముమ్మరంగా సాగుతోంది. నరుూంతో లింకులున్న 30 మంది పోలీసులకు నోటీసులు జారీ చేసేందుకు రంగం సిద్ధమైంది. వీరిలో ఎస్సై, సిఐ, డిఎస్పీ, అదనపు ఎస్పీ స్థాయిలో అధికారులు ఉన్నారు. వీరంతా నల్గొండ, సైబరాబాద్, హైదరాబాద్‌లో పనిచేసిన, పనిచేస్తున్న వారు ఉన్నట్టు ఓ సీనియర్ సిట్ అధికారి తెలిపారు. అదేవిధంగా నల్గొండ, హైదరాబాద్‌కు చెందిన మరో 8 మంది రాజకీయ నాయకులకు కూడా నోటీసులు జారీ కానున్నాయి. ఇప్పటికే నల్గొండ జిల్లాలో ఇద్దరు ఎంపిపిలు, ఓ కార్పొరేటర్ పోలీసుల అదుపులో ఉన్నారు. అధికార పార్టీకి చెందిన ఓ ఎమ్మెల్సీపై ఎఫ్‌ఐఆర్ నమోదైన సంగతి తెలిసిందే.
తాజాగా ఆదివారం నరుూం ముఖ్య అనుచరుడు శేషన్న డ్రైవర్ నర్సింహతోపాటు రాజు అనే అనుచరుడిని పోలీసులు అరెస్టు చేశారు. శేషన్న కోసం అధికారులు ముమ్మరంగా గాలిస్తున్నారు. నరుూం ఎన్‌కౌంటర్‌లో హతమై నలభై రోజులు గడుస్తున్నా అతని అనుచరుల అరాచకాలు వెంటాడుతూనే ఉన్నాయి. తాజాగా ఓ ఎన్నారై దుబాయి నుంచి ఫిర్యాదు చేయడమే ఇందుకు ఉదాహరణ. వందల సంఖ్యలో ఫిర్యాదులు వస్తున్నా.. కేసులు మాత్రం 99వరకు నమోదయ్యాయి. నల్గొండలో నరుూం టాక్స్ వసూళ్లు, భువనగిరి, పటాన్‌చెరులోని భూములు ఖాళీ చేయాలంటూ బెదిరింపులు, క్రాంతిసేన పేరిట నరుూంది బూటకపు ఎన్‌కౌంటర్ అని, టిఆర్‌ఎస్ నేతలను వదిలిపెట్టేది లేదంటూ బెదిరింపు లేఖలు వంటి అరాచకాలు కొనసాగుతున్నాయి. హైదరాబాద్‌కు చెందిన ఓ వైద్యుడు ఆసుపత్రి వ్యాపారం వివాదంలో తనను బెదిరించి రూ. 50 లక్షలు ఇచ్చేది ఉన్నట్టుగా అప్పు నోటు పత్రాన్ని నరుూం అనుచరులు రాయించుకున్నారని, తనకు న్యాయం చేయాలంటూ రమేష్‌గౌడ్ అనే వ్యక్తి దుబాయి నుంచి రాచకొండ కమిషనర్, సిట్ అధికారులకు ఫిర్యాదు చేశారు. ఫిర్యాదు చేసేందుకు ముందుకు రాని బాధితులు ఎవరైనా భయాందోళనకు గురైతే వారి పేర్లను గోప్యంగా ఉంచుతామని సిట్ అధికారులు పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.