రాష్ట్రీయం
విజయవాడ స్టేషన్ వెలవెల
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, సెప్టెంబర్ 20: ఆంధ్రప్రదేశ్‌లో అతి పెద్ద రైల్వే జంక్షన్ విజయవాడ స్టేషన్‌లో 150 కోట్లతో జరుగుతున్న అధునాతన సిగ్నలింగ్ వ్యవస్థ పనుల కారణంగా బుధవారం తెల్లవారుజాము నుంచి రైళ్ల రాకపోకలకు అంతరాయం ఏర్పడింది. మంగళవారం ఉదయం నుంచే అన్ని రకాల రైళ్లను నిలిపివేయాలని నిర్ణయించినప్పటికీ అత్యధిక రైళ్లు యథావిధిగా నడిచాయి. రిజర్వేషన్ల రద్దు కారణంగా అలాగే రైళ్ల రద్దు ప్రచారంతో విజయవాడ రైల్వేస్టేషన్ ప్రయాణికులు లేక వెలవెలబోయింది. 5, 6, 7, 10 ప్లాట్‌ఫారాల్లో గతంలో ఉన్న నాన్ ఇంటర్ లాకింగ్ సిస్టంతోనే కొన్ని రైళ్లను నడపటానికి రైల్వే అధికారులు నిశ్చయించుకున్నారు. ఏది ఏమైనా 192 రైళ్లను విజయవాడ స్టేషన్‌లోకి రాకుండా, 210 రైళ్లను దారి మళ్లించి నడుపుతారు. నగర పరిసరాల్లోని గన్నవరం, మధురానగర్, రాయనపాడు, కృష్ణా కెనాల్, గుణదల రైల్వే స్టేషన్లలో 24 గంటలపాటు సాయుధ పోలీసుల నిఘా ఏర్పాటు చేశారు. ప్రయాణికుల రద్దీని దృష్టిలో ఉంచుకుని యుద్ధ ప్రాతిపదికన అదనపు కౌంటర్లను కూడా ఏర్పాటు చేశారు. దొనకొండ, ఒంగోలు, నడికుడి వైపు వెళ్లే రైళ్లన్నీ కృష్ణా కెనాల్, తెనాలి, గుంటూరు స్టేషన్ల నుంచి రాకపోకలు సాగిస్తాయి. శాతవాహన ఎక్స్‌ప్రెస్ ఖమ్మం నుంచి, రత్నాచల్ ఎక్స్‌ప్రెస్ గన్నవరం నుంచి, పినాకిని కృష్ణా కెనాల్ నుంచి రాకపోకలు సాగించనున్నాయి. పరిసరాల్లోని శాటిలైట్ రైల్వేస్టేషన్లన్నింటికీ విజయవాడ నుంచి ప్రత్యేక బస్సు సర్వీసులు నడుపుతున్నారు.
చిత్రం.. యుద్ధ ప్రాతిపదికన విజయవాడ రైల్వే స్టేషన్‌లో జరుగుతున్న మరమ్మతు పనులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.