రాష్ట్రీయం
గుంటూరు చెరువైంది!
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు: అనూహ్యంగా కురిసిన వర్షాలకు గుంటూరు జిల్లాలో ఊరూ ఏరూ ఏకమైంది. రోడ్లకు రోడ్లే కొట్టుకుపోయాయి. కాలనీలు జలమయమయ్యాయి. రైలు, రోడ్డు మార్గాలు తీవ్రంగా దెబ్బతిన్నాయి. వరద నీటి ఉద్ధృతికి ఐదుగురు మరణించారు. ఒకరు గల్లంతయ్యారు. జిల్లాలో అత్యధికంగా నకరికల్లులో 24 సెంటీమీటర్ల వర్షపాతం నమోదు కావడం గమనార్హం. ఊటుకూరు వద్ద ఉప్పొంగిన వాగులో ఆర్టీసీ బస్సు చిక్కుకుంది. బస్సులో ఉన్న 42మందినీ సకాలంలో ఎన్‌డిఆర్‌ఎఫ్ సిబ్బంది కాపాడింది. చిలకలూరిపేట-నరసరావుపేట- సత్తెనపల్లి-మాచర్ల రోడ్లు తెగిపోయి, వాహనాల రాకపోకలు ఆగిపోయాయి. నెమలిపురి వాగునీరు రైలు పట్టాలపై చేరడంతో పల్నాడు ఎక్స్‌ప్రెస్‌ను నిలిపివేసి, ప్రయాణికులను ట్రాక్టర్లలో పిడుగురాళ్లకు తరలించారు. సికింద్రాబాద్-గుంటూరు మధ్య నడిచే రైళ్లను రద్దు చేశారు. గుంటూరు రీజియన్‌లోని 510 బస్సులు డిపోలు వీడి బయటకు రాలేదు. పులిచింతల ప్రాజెక్టు, ప్రకాశం బ్యారేజీ పొంగిపొర్లుతున్నాయి. ప్రకాశం బ్యారేజీ 72 గేట్లూ ఎత్తి నీటిని దిగువకు వదులుతున్నారు. కృష్ణా, కర్నూలు, ప్రకాశం, ఉభయ గోదావరి జిల్లాలనూ భారీ వర్షాలు కుదిపివేశాయి. వరద పరిస్థితిని ముఖ్యమంత్రి సమీక్షించారు. అత్యవసర సహాయంకోసం మచిలీపట్నంలో కంట్రోల్ రూమ్ ఏర్పాటు చేశారు.
చిత్రం.. క్రోసూరు వద్ద వరద నీటిలో చిక్కుకుపోయిన బస్సు. సహాయంకోసం ఎదురు చూస్తున్న ప్రయాణికులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.