రాష్ట్రీయం
పులి‘చింత’ల!
S ,7 à 8 RSCA (si SASPAS) et 6 cialis pharmacie cialis rapports de stage.
అచ్చంపేట, సెప్టెంబర్ 22: భారీవర్షాలకు పులిచింతల ప్రాజెక్టు, ప్రకాశం బ్యారేజీ నిండుకుండల్లా తొణికిసలాడుతున్నాయి. మునుపెన్నడూ లేనిరీతిలో పులిచింతలకు నీరు రావడంతో అటు తెలంగాణలోని నల్గొండ జిల్లాలో 13 గ్రామాలు, ఎపిలో గుంటూరు జిల్లాలోని 11 గ్రామాలకు ముంపు ముప్పు ఏర్పడింది. ఎగువన క్యాచ్‌మెంట్ ఏరియాలో విస్తారంగా వర్షాలు కురవడంతో పులిచింతలకు వరదనీరు పోటెత్తింది. ఇన్‌ఫ్లోగా 4.5 లక్షల క్యూసెక్కుల నీరు వచ్చి చేరుతోంది. దీంతో 12 గేట్లను 3 అడుగుల మేర ఎత్తి దిగువన ఉన్న ప్రకాశం బ్యారేజీకి నీటిని విడుదల చేస్తున్నారు. ప్రాజెక్టులో భారీయెత్తున నీరు నిల్వచేయడం వల్ల నల్గొండ జిల్లా గ్రామాలు నీట మునుగుతాయని, దిగువకు మరింత నీటిని వదలాలని తెలంగాణ అధికారులు కోరారు. దీంతో నీటి పారుదల మంత్రి దేవినేని ఉమామహేశ్వరరావు టిఎస్ మంత్రి హరీశ్‌రావుకు ఫోన్‌చేసి సమన్వయంతో సమస్యను పరిష్కరించుకుందామని సూచించారు. ముంపు గ్రామాల ప్రజలను సురక్షిత ప్రాంతాలకు తరలిస్తున్నారు. గురువారం సాయంత్రం వరకు ప్రాజెక్టులో 29 టిఎంసిల నీటిని అధికారులు నిల్వచేశారు. దిగువకు నీరు వదలడంతో చల్లగరిగ గ్రామానికి చెందిన జానునాయక్ (60) కృష్ణానది వద్ద పశువులను మేపడానికి వెళ్లి నీటి ప్రవాహంలో గల్లంతయ్యారు. మరోవైపు ప్రకాశం బ్యారేజీ మొత్తం 72 గేట్లను పైకెత్తి నీటిని దిగువకు వదులుతున్నారు.
చిత్రం.. పులిచింతల గేట్లు ఎత్తివేయడంతో గురువారంనాడు కిందకు ఉరకలేస్తున్న వరద
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.