రాష్ట్రీయం
ఇంటికి చేరిన ప్రొఫెసర్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ అల్వాల్/ నాచారం, సెప్టెంబర్ 24: లిబియాలో ఐసిస్ ఉగ్రవాదుల చెరలో బందీలుగావున్న ఇటీవలే విడుదలైన తెలుగు ప్రొఫెర్లు గోపికృష్ణ, బలరాం కిషన్‌లు శనివారం హైదరాబాద్‌కు క్షేమంగా చేరుకున్నారు. మొదట లిబియా నుంచి ఢిల్లీకి చేరుకున్న ప్రొఫెసర్లు అక్కడి నుంచి నేటి తెల్లవారుజామున హైదరాబాద్ విమానాశ్రయానికి చేరుకున్నారు. అయితే వీరి రాక సమాచారం వారి కుటుంబ సభ్యులకు తెలియదు. ఢిల్లీ నుంచి ప్రొఫెసర్లకు తోడుగా విదేశాంగ శాఖకు చెందిన నలుగురు అధికారులు కూడా వచ్చారు. గత సంవత్సరం జూలై 29న ఇద్దరు తెలుగు ప్రొఫెసర్లతోపాటు కర్నాటకకు చెందిన మరో ఇద్దరిని ఐసిస్ తీవ్రవాదులు కిడ్నాప్ చేసిన సంగతి తెలిసిందే. వీరంతా లిబియాలోని సిర్టే యూనివర్శిటీలో ప్రొఫెసర్లుగా పనిచేసే వారు. కన్నడిగులను ముందే వదిలిపెట్టిన ఉగ్రవాదులు గోపికృష్ణ, బరాం కిషన్‌లను మాత్రం ఏడాదికి పైగా తమ ఆధీనంలో ఉంచుకున్నారు.
నరకం అనుభవించాం: గోపికృష్ణ
లిబియా ఉగ్రవాదుల చేతుల్లో 14నెలల పాటు నరకం అనుభవించామని బాధితుడు గోపికృష్ణ కన్నీటి పర్యంతమయ్యారు. ఉద్యోగంకోసం వెళ్లిన తమను లిబియా ఉగ్రవాదులు కిడ్నాప్ చేశారు. వారి రక్షణకోసం తమను బందీలుగా పెట్టుకున్నారని, విదేశంగా శాఖ మంత్రి సుష్మాస్వరాజ్, తెలంగాణ ముఖ్య మంత్రి కెసిఆర్ తమ విడుదల కోసం ఎంతో శ్రమించారని, అందుకు వారికి కృతజ్ఞతలు తెలిపారు.
సంతోషంగా ఉంది: బలరాం
లిబియానుంచి తిరిగొచ్చి తమ కుటుంబ సభ్యులను కలుసుకోవడం సంతోషంగా ఉందని ప్రొఫెసర్ బలరాం కిషన్ అన్నారు. శనివారం అల్వాల్ మున్సిపాలటీ పరిధిలోని కానాజిగూడ ప్రేమ్‌సాగర్ ఎన్‌క్లేవ్‌కు ఆయన ఇంటికి చేరుకున్నారు. అయితే ప్రొఫెసర్లు వారి ఇళ్లకు ఎప్పుడు వస్తారు.. ఎలా వస్తారు అన్న విషయాన్ని పోలీసులు గోప్యంగా ఉంచారు. ఇంటికి వచ్చిన ప్రొఫెసర్ బలరాం కిషన్ విలేఖరులతో మాట్లాడుతూ ప్రస్తుత పరిస్థితిలో తాను ఏమీ మాట్లాడలేనని, దీనికి సంబంధించి కొన్ని షరతులు ఉన్నాయని, మరోవైపు తాను అనారోగ్యంగా ఉన్నానని చెప్పారు. అపద సమయంలో తనకు, తన కుటుంబానికి సహకరించిన వారందరికీ కృతజ్ఞతలు తెలిపారు. తాము అక్కడి యూనివర్శిటీలో ఆంగ్లం బోధించేవారమని, దీంతో కిడ్నాపర్లు కూడా తీవ్రవాదులకు ఆంగ్లంలో శిక్షణ కోసం ప్రత్యేక తరగతులు నిర్వహించి ఆంగ్లంలో క్లాసులు చెప్పించారనీ దానికి ప్రతిగా వదిలి పెట్టారనీ చెప్పుకొచ్చారు. కేంద్రమంత్రి బండారు దత్తాత్రేయ , మల్కాజిగిరి ఎంపి మల్లారెడ్డిలు ప్రొఫెసర్ల కుటుంబీకులను ప్రధాన మంత్రి వద్దకు తీసుకెళ్లి వీరి విడుదల కోసం భరోసా ఇప్పించారు. లిబియా ప్రభుత్వంతో నిరంతరం చేసిన దౌత్యం ఫలించి కిడ్నాపర్లు ప్రొఫసెర్లను ఈ నెల 14న లిబియాలో విడుదల చేసినట్లు కేంద్ర మంత్రి సుష్మాస్వరాజ్ ట్విటర్‌లో ప్రకటించారు. దాని తర్వాత అన్ని పనులు రహస్యంగానే జరిగాయి. ఎట్టకేలను ఇద్దరు తెలుగు ప్రోఫెసర్లు వారి కుటుంబ సభ్యుల చెంతకు చేరడం పట్ల హర్షం వ్యక్తమవుతోంది.
చిత్రం.. కుటుంబ సభ్యులతో బలరాం, గోపీకృష్ణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.