రాష్ట్రీయం
సికిందరాబాద్ జంక్షన్ నుంచి బయలుదేరే పలు రైళ్ల రద్దు..దారి మళ్లింపు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 26: ఆంధ్రా, తెలంగాణలో కురుస్తున్న భారీ వర్షాల కారణంగా పలు రైళ్లను రద్దు చేస్తూ, మరికొన్ని రైళ్ల రాకపోకలను మళ్లిస్తున్నట్టు దక్షిణ మధ్య రైల్వే జనరల్ మేనేజర్ రవీంద్రగుప్తా తెలిపారు. సికిందరాబాద్-సత్తెనపల్లి-గుంటూరు-పిడుగురాళ్ల మధ్య నడిచే రైళ్లను రద్దు చేసినట్టు రైల్వే జిఎం తెలిపారు. సికిందరాబాద్-గూడూరు సింహపురి ఎక్స్‌ప్రెస్, సికిందరాబాద్-రేపల్లె, పిడుగురాళ్ల- సత్తెనపల్లి, గుంటూరు- మాచర్ల రైళ్లను పాక్షికంగా రద్దు చేసినట్టు జిఎం తెలిపారు. గూడూరు- సికిందరాబాద్, సికిందరాబాద్-తిరుపతి నారాయణాద్రి ఎక్స్‌ప్రెస్, హైదరాబాద్-నర్సాపూర్ ఎక్స్‌ప్రెస్, వికారాబాద్-గుంటూరు పల్నాడు ఎక్స్‌ప్రెస్, కాచిగూడ-రేపల్లె ప్యాసింజర్, రేపల్లె-సికిందరాబాద్ ప్యాసింజర్, గుంటూరు-మాచర్ల ప్యాసింజర్, మాచర్ల-గుంటూరు ప్యాసింజర్‌లు రద్దయ్యాయి. ప్రస్తుతం నడుస్తున్న సికిందరాబాద్-రేపల్లె ప్యాసింజర్ మిర్యాలగూడ-రేపల్లె స్టేషన్ల మధ్య తాత్కాలికంగా నిలిపివేస్తున్నట్టు రైల్వే మేనేజర్ తెలిపారు. అదేవిధంగా హైదరాబాద్-చెన్నై సెంట్రల్ సూపర్‌ఫాస్ట్ ఎక్స్‌ప్రెస్‌ను సులేహలి, గుంతకల్లు, రేణిగుంట మీదుగా మళ్లించనున్నారు. చెన్నై సెంట్రల్- హైదరాబాద్ సూపర్ ఫాస్ట్ ఎక్స్‌ప్రెస్ రేణిగుంట, గుంతకల్లు, సులేహలి స్టేషన్ల మీదుగా నడిపిస్తున్నట్టు జిఎం వివరించారు. సికిందరాబాద్-్భవనేశ్వర్ విశాఖ ఎక్స్‌ప్రెస్‌ను కాజీపేట్, రాయనపాడు, విజయవాడ బల్బ్‌క్యాబిన్, గుండాల స్టేషన్ల మీదుగా మళ్లించారు. భువనేశ్వర్-సికిందరాబాద్ విశాఖ ఎక్స్‌ప్రెస్ గుండాల, విజయవాడ బల్బ్‌క్యాబిన్, రాయనపాడు, కాజీపేట్, తిరుపతి-సికిందరాబాద్ నారాయణాద్రి ఎక్స్‌ప్రెస్‌ను గుంతకల్లు, సులేహలి, పుణె-్భవనేశ్వర్ సూపర్‌ఫాస్ట్ ఎక్స్‌ప్రెస్ కాజీపేట్, రాయనపాడు, విజయవాడ బల్బ్‌క్యాబిన్, గుండాల స్టేషన్ల మీదుగా సికిందరాబాద్-తిరుపతి పద్మావతి ఎక్స్‌ప్రెస్ గుంటూరు, విజయవాడ, కాజీపేట్, సికిందరాబాద్-హౌరా ఫలక్‌నుమా ఎక్స్‌ప్రెస్ కాజీపేట్, విజయవాడ బల్బ్‌క్యాబిన్ స్టేషన్ల మీదుగా మళ్లించామన్నారు.
రైల్వే ట్రాక్‌ల పునరుద్ధరణకు చర్యలు..
సత్తెనపల్లి-గుంటూరు-నడికుడి సెక్షన్లలో నీట మునిగిన రైల్వే ట్రాక్‌ల పునరుద్ధరణకు యుద్ధప్రాతిపదికన చర్యలు చేపట్టినట్టు రవీంద్రగుప్తా తెలిపారు. ప్రయాణికులకు ఎలాంటి ఇబ్బందులు తెలెత్తకుండా వారివారి గమ్యస్థానాలకు చేర్చేందుకు ఆంధ్రప్రదేశ్ ప్రభుత్వం సహకారం తీసుకుంటున్నట్టు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.