రాష్ట్రీయం
మహేశ్వరంలో 400 కెవి విద్యుత్ కేంద్రం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 27: ఛత్తీస్‌గడ్ నుంచి కొనుగోలు చేసిన విద్యుత్‌ను పొందడానికి మహేశ్వరంలో ఏర్పాటు చేస్తున్న 400 కెవి విద్యుత్ కేంద్రాన్ని నిర్ణీత గడవులోగా పూర్తి చేయాలని ట్రాన్స్‌కో సిఎండి డి ప్రభాకర్‌రావు సంబంధిత అధికారులను ఆదేశించారు. ట్రాన్స్‌కో కార్యాలయంలో ఫైనాన్స్ అండ్ కమర్షియల్ జాయింట్ మేనేజింగ్ డైరెక్టర్ సి సి శ్రీనివాస్‌రావు, ప్రాజెక్ట్స్ అండ్ గ్రిడ్ ఆపరేషన్స్ డైరెక్టర్ ఎస్‌జి నర్సింగ్‌రావు, ట్రాన్స్‌మిషన్ డైరెక్టర్ టి జగత్‌రెడ్డి, లిఫ్డ్ ఇరిగేషన్ స్కీమ్స్ డైరెక్టర్ జె సూర్యప్రకాశ్, ప్రాజెక్ట్స్-1 చీఫ్ ఇంజనీర్ లతా వినోద్ తదితర ఉన్నతాధికారులతో సిఎండి సమీక్షా సమావేశం నిర్వహించారు. రాష్ట్రంలో పురోగతిలో ఉన్న విద్యుత్ కేంద్రాల తాజా స్థితిని సిఎండి సమీక్షించారు. చత్తీస్‌గడ్ నుంచి విద్యుత్‌ను పొందడానికి పవర్ గ్రిడ్ కార్పొరేషన్ ఆఫ్ ఇండియా (పిజిసిఐఎల్) చేపట్టిన వార్థా-డిచ్‌పల్లి-హైదరాబాద్ 765 కెవి లైన్‌కు మహేశ్వరంలో ఏర్పాటు చేయనున్న 400 కెవికి అనుసంధానం చేయనున్నట్టు ఆయన పేర్కొన్నారు. వార్ధా-డిచ్‌పల్లి-హైదరాబాద్ లైన్ పూర్తి అయ్యేవరకు మహేశ్వరం 400 కెవి పూర్తి కావాలని సిఎండి ఆదేశించారు.లో వోల్టేజి సమస్యను అధిగమించేందుకు గజ్వేల్, వెల్టూర్, శంకర్‌పల్లి, మామిడిపల్లి, మల్కరంలో ఏర్పాటు చేస్తున్న 400 కెవి రియాక్టర్లను యుద్ధప్రాతిపదికన పూర్తి చేయాలని సూచించారు.
నిర్మాణంలో ఉన్న విద్యుత్ కేంద్రం పనులను
పరిశీలిస్తున్న ఉన్నతాధికారుల బృందం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.