రాష్ట్రీయం
పెద్దశేష వాహనంపై శ్రీవారు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుమల, నవంబర్ 3: కార్తీకమాసం నాగుల చవితిని పురస్కరించుకుని గురువారం తిరుమలలో పెద్దశేష వాహన ఊరేగింపు కన్నుల పండువగా జరిగింది. ముందుగా శ్రీదేవి, భూదేవి సమేత శ్రీ మలయప్ప స్వామివారు వాహన మండపంలోనికి వేంచేశారు. అక్కడ వారిని బంగారు, వజ్ర, వైడూర్య, మరకత, మాణిక్యాలతో కూడిన ఆభరణాలు, సుగంధ సువాసనలు వెదజల్లే పుష్పాలతో విశేషంగా అలంకరించారు. సాధారణంగా ప్రతి గరుడ పంచమినాడు శ్రీవారు గరుడ వాహనంపై ఊరేగగా, ప్రతియేటా తిరుమలలో నాగుల చవితినాడు కోనేటిరాయుడైన శ్రీవారు సాక్షాత్తూ తమ ప్రియ దాసానుదాసుడైన ఆదిశేషుని ప్రతిరూపమైన పెద్దశేష వాహనంపై తిరుమాడ వీధులలో ఊరేగడం ఆనవాయితీగా వస్తోంది. అందులో భాగంగా గురువారం భక్తుల గోవిందనామ స్మరణలు, మంగళవాయిద్యాల నడుమ సాయంత్రం 7 గంటల నుంచి రాత్రి 9 గంటల నడుమ శ్రీ మలయప్ప స్వామివారు పెద్దశేష వాహనంపై ఊరేగుతూ భక్తులను అనుగ్రహించారు. ఈ కార్యక్రమంలో టిటిడి ఉన్నతాధికారులు, సుప్రీంకోర్టు న్యాయమూర్తి జస్టిస్ చలమేశ్వర్, పెద్ద సంఖ్యలో భక్తులు పాల్గొన్నారు.
7న పుష్పయాగ మహోత్సవం
పుష్పాలంకార ప్రియుడు, నిత్యకల్యాణ స్వరూపుడైన శ్రీ వేంకటేశ్వర స్వామి కొలువై ఉన్న తిరుమల శ్రీవారి ఆలయంలో ప్రతియేటా నిర్వహించే పుష్పయాగ మహోత్సవాన్ని ఈనెల 7వ తేదీన నిర్వహించనున్నారు. ఈ సందర్భాన్ని పురస్కరించుకొని 7వ తేదీన శ్రీవారి ఆలయంలో నిర్వహించే ఆర్జిత సేవలైన కల్యాణోత్సవం, ఊంజల్‌సేవ, బ్రహ్మోత్సవం, వసంతోత్సవాలను టిటిడి రద్దు చేసింది. అదేవిధంగా 6వ తేదీన అంకురార్పణ సందర్భంగా వసంతోత్సవం, సహస్రదీపాలంకార సేవలను కూడా రద్దు చేశారు.
చిత్రం.. తిరుమలలో పెద్దశేష వాహనంపై ఊరేగుతున్న శ్రీవారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.