రాష్ట్రీయం
అడ్డుపడింది నెహ్రూనే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 6: ‘నిజాంపై సర్దార్ వల్లభాయ్ పటేల్ ఉక్కుపాదం మోపకుండా అప్పటి ప్రధాని జవహార్‌లాల్ నెహ్రూ అడుగడుగునా అడ్డుపడ్డారు.’ అని కేంద్ర కార్మిక, ఉపాధి కల్పనా శాఖ మంత్రి బండారు దత్తాత్రేయ ఆదివారం విమర్శించారు. కాంగ్రెస్ సీనియర్ నాయకుడు, కేంద్ర మాజీమంత్రి ఎస్ జైపాల్ రెడ్డి చేసిన వ్యాఖ్యలపై ఆదివారం కేంద్ర మంత్రి దత్తాత్రేయ ఆదివారం విలేఖరుల సమావేశంలో తీవ్రంగా ప్రతిస్పందించారు. జైపాల్‌రెడ్డిపై నిప్పులు చెరిగారు. ఎప్పుడూ హైదరాబాద్ విమోచన దినోత్సవంలో పాల్గొనని జైపాల్‌రెడ్డి కూడా మాట్లాడడం విడ్డూరంగా ఉందన్నారు. తెలంగాణ విమోచన దినోత్సవంపై అవగాహనరాహిత్యంతో మాట్లాడారని ఆయన విమర్శించారు. సర్దార్ వల్లభాయ్ పటేల్ హోం మంత్రిగా సాహసోపేతమైన నిర్ణయం తీసుకున్నారని ఆయన అభినందించారు. కానీ అంతకంటే ముందు రెండు పర్యాయాలు నిజాంపై సైనిక చర్య తీసుకోకుండా జవహర్‌లాల్ నెహ్రూ అడ్డుపడ్డారని ఆయన విమర్శించారు. 1948 జూలైలో ఒకసారి, అదే సంవత్సరం ఆగస్టులో రెండోసారి సైనిక చర్యకు పటేల్ సిద్ధమైతే, నెహ్రు అడ్డుపడ్డారన్నారు. అయినా పటేల్ విజయవాడ, కర్నూలులో సైన్యాన్ని సిద్ధంగా పెట్టారని ఆయన తెలిపారు. సైనికచర్యకు పాల్పడరాదని నెహ్రు ఆదేశించగా, అప్పటికే సైనిక చర్య మొదలైందని, బాంబింగ్ జరిగిందని పటేల్ చెప్పారని ఆయన వివరించారు. హకీంపేట, ఔరంగాబాద్, వరంగల్ తదితర ప్రాంతాల్లో సైన్యం దిగి ఆపరేషన్ మొదలుపెట్టినట్లు ఆయన చెప్పారు.
హైదరాబాద్ విమోచనంలో పటేల్ పాత్ర అమోఘమైందని, అద్భుతమైందని దత్తాత్రేయ అన్నారు. కేవలం పత్రికావిలేఖరుల సమావేశాలకు, ప్రకటనలకే జైపాల్‌రెడ్డి పరిమితమవుతారని ఆయన దుయ్యబట్టారు. సైనికచర్యను నెహ్రూ, పటేల్ కలిసే నిర్ణయించారని జైపాల్‌రెడ్డి చేసిన వ్యాఖ్యల్లో వాస్తవం లేదని అన్నారు. చరిత్ర గురించి తెలుసుకోవటానికి ఎంకెకె నాయర్ రాసిన పుస్తకాన్ని జైపాల్‌రెడ్డి చదువుకోవాలన్నారు. ఇంతగా మాట్లాడుతున్న జైపాల్‌రెడ్డి ఎప్పుడైనా పటేల్ జన్మదినోత్సవాన్ని నిర్వహించారా? అని ఆయన ప్రశ్నించారు. బిజెపి జాతీయ అధ్యక్షుడు అమిత్ షా గల్లీ లీడర్ అని జైపాల్‌రెడ్డి చేసిన విమర్శపై దత్తాత్రేయ ఘాటుగా స్పందించారు. అమిత్ షా గల్లీ నుంచి ఢిల్లీకి ఎదిగారని, జైపాల్ రెడ్డి ఢిల్లీ నుంచి గల్లీకి వచ్చారని ఆయన అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.