రాష్ట్రీయం
కేటాయంపులు మిగల్చొద్దు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 7: ప్రస్తుత బడ్జెట్‌లో ప్రణాళిక, ప్రణాళికేతర పద్దుల కింద కేటాయించిన నిధులను పూర్తిగా ఖర్చు పెట్టడంతోపాటు కేంద్ర నుంచి పొందిన నిధులను పూర్తిస్థాయిలో వినియోగించుకోవాలని శాఖాధిపతులను ప్రభుత్వం ఆదేశించింది. ప్రస్తుత బడ్జెట్‌లో జరిగిన ఆదాయ, వ్యయాలను అనుసరించే వచ్చే ఏడాది బడ్జెట్ రూపకల్పన ఆధారపడి ఉంటుందని సూచించింది. బడ్జెట్‌లో ప్రణాళికా, ప్రణాళికేతర వ్యయాలు, కేంద్ర నిధుల వినియోగం, వచ్చే ఏడాది రూపొందించనున్న బడ్జెట్‌పై సచివాలయంలో సోమవారం వివిధ శాఖల ప్రత్యేక ప్రధాన కార్యదర్శులు, ముఖ్య కార్యదర్శులతో ఆర్థిక మంత్రి ఈటెల రాజేందర్, ప్రభుత్వ ప్రధాన కార్యదర్శి రాజీవ్ శర్మ చర్చించారు. దీంట్లో ప్రధానంగా వచ్చే ఏడాది ప్రవేశపెట్టనున్న బడ్జెట్ ప్రతిపాదనలపైనా శాఖాధిపతులకు మంత్రి, సిఎస్ సంకేతాలు ఇచ్చినట్టు అధికార వర్గాల సమాచారం. డబుల్ బెడ్‌రూమ్ పథకాన్ని వచ్చే ఏడాది నుంచి వేగంవంతం చేయడానికి వచ్చే బడ్జెట్‌లో అధికంగా నిధులు కేటాయించాలని సూచించినట్టు తెలుస్తోంది. అలాగే నీటిపారుదలకు కేటాయించిన ప్రస్తుత బడ్జెట్‌లో కేటాయించిన రూ.25 వేల కోట్ల మేరకు పనులు జరగాల్సిందేనని, వచ్చే బడ్జెట్‌లోనూ ఇంతే మొత్తంలో నిధులు కేటాయించనుండటంతో ఈసారి కేటాయింపులను పూర్తిగా ఖర్చు పెట్టాలని సూచించినట్టు తెలిసింది. బడ్జెట్‌లో ప్రతిపాదించిన మేరకు ఖర్చు చేయడంతో పాటు వచ్చే ఏడాదికి ప్రవేశపెట్టనున్న బడ్జెట్ ప్రతిపాదనలపై పూర్తి అవగాహన ఉండాలని రాజీవ్ శర్మ సూచించారు. ప్రస్తుత బడ్జెట్‌లో ప్రణాళికేతర వ్యయానికంటే ప్రణాళిక వ్యయానికి ఎక్కువ నిధులు కేటాయించినట్టుగానే వచ్చే బడ్జెట్‌లో అదే విధానాన్ని అనుసరించనున్నట్టు సిఎస్ సంకేతాలిచ్చారు. ప్రస్తుత బడ్జెట్‌లో ప్రతిపాదించిన దానికంటే ఉహించని విధంగా ఆదాయం పెరిగిన నేపథ్యంలో ప్రణాళిక వ్యయం వచ్చే ఏడాది బడ్జెట్‌లో మరింత పెరిగే అవకాశం ఉంటుందని సంకేతాలిచ్చినట్టు సమాచారం. రాష్ట్రంలో కొత్తగా ఏర్పాటు చేసిన 21 జిల్లాల్లో కలెక్టరేట్లు, ఎస్పీ కార్యాలయాలు, అలాగే కొత్తగా ఏర్పాటు చేసిన రెవిన్యూ డివిజన్లు, మండల కార్యాలయాల భవనాలు నిర్మాణానికి ప్రతిపాదనలు అందితే వాటికి వచ్చే బడ్జెట్‌లో నిధులు కేటాయించనున్నట్టు సూచించారు. పంట రుణ మాఫీ వాయిదాతో ఆరోగ్యశ్రీ, ఫీజు రియింబర్స్‌మెంట్ బకాయిలన్నింటినీ వెంటనే చెల్లించాలని ఆర్థిక మంత్రి ఈటల ఆదేశించారు. వచ్చే బడ్జెట్‌లో సంక్షేమ రంగానికి నిధులు ప్రస్తుతానికంటే ఎక్కువ పెంచుతూనే అభివృద్ధి కార్యక్రమాలకు, ప్రభుత్వ ప్రాధాన్యతా, ప్రతిష్టాత్మక కార్యక్రమాలకు నిధుల కేటాయింపులో పెద్దపీట వేసేలా వచ్చే ఆర్థిక బడ్జెట్ ఉండబోతుందని సూచనప్రాయంగా శాఖాధిపతులకు వెల్లడించినట్టు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.