రాష్ట్రీయం
ముద్రగడ యాత్రపై స్టేకు నిరాకరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: కాపునేత ముద్రగడ పద్మనాభం 16వ తేదీ బుధవారం నుంచి తలపెట్టిన సత్యాగ్రహ పాదయాత్రను నిలుపుదల చేసేందుకు ఆదేశాలు ఇవ్వలేమని హైకోర్టు స్పష్టం చేసింది. ప్రజాస్వామ్యంలో ప్రతి పౌరుడికి తన నిరసన తెలియచేసే హక్కు ఉందని హైకోర్టు ధర్మాసనం పేర్కొంది. తాత్కాలిక ప్రధాన న్యాయమూర్తి జస్టిస్ రమేష్ రంగనాథం, జస్టిస్ ఏ శంకర్ నారాయణ్‌తో కూడిన ధర్మాసనం రాజమండ్రికి చెందిన న్యాయవాది మేడా శ్రీనివాస్ దాఖలు చేసిన పిటిషన్‌ను విచారించింది. ముద్రగడ పాదయాత్ర వల్ల శాంతి భద్రతలు ఉత్పన్నమవుతాయని నిలుపుదలకు ఆదేశాలు ఇవ్వాలని ఆయన పిటిషన్ దాఖలు చేశారు. దీనిపై హైకోర్టు వ్యాఖ్యానిస్తూ శాంతి భద్రతలు రాష్ట్రప్రభుత్వ పరిధిలోనివని పేర్కొంది. ఏపి అడ్వకేట్ జనరల్ దమ్మలపాటి శ్రీనివాస్ వాదనలు వినిపిస్తూ శాంతిభద్రతలకు విఘాతం కలగకుండా రాష్ట్రప్రభుత్వం చర్యలు తీసుకుంటుందన్నారు. శాంతిభద్రతల సమస్య ఉత్పన్నం కాదన్నారు. పిటిషనర్ తరపున న్యాయవాది ఎల్ రవిచందర్ వాదనలు వినిపిస్తూ, ఈ ఏడాది తునిలో ముద్రగడ నిర్వహించిన ర్యాలీ హింసాత్మకంగా మారిందన్నారు. ఈ దృష్ట్యా తాజా సత్యాగ్రహ పాదయాత్రకు స్టే ఇవ్వాలని కోర్టును కోరారు. ఈ సందర్భంగా హైకోర్టు స్టే ఇచ్చేందుకు నిరాకరించింది. పోలీసులు ఈ సమస్యను పరిశీలించి తగిన చర్యలు తీసుకుంటారని, హింస తలెత్తకుండా అన్ని చర్యలు తీసుకోవాల్సిన బాధ్యత పోలీసులపై ఉందని హైకోర్టు పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.