రాష్ట్రీయం
ఏసిబికి తగ్గిన ఫిర్యాదులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: పెద్ద నోట్ల రద్దు ప్రభావంతో అవినీతి నిరోధక శాఖకు వచ్చే ఫిర్యాదుల సంఖ్య గణనీయంగా తగ్గిపోయింది. తెలంగాణ అవినీతి నిరోధక శాఖ ఫోన్‌కు హైదరాబాద్, సికింద్రాబాద్‌తో సహా తెలంగాణ రాష్ట్రం నలుమూలల నుంచి సగటున రోజూ 20 వరకు అవినీతిపై ఫిర్యాదులు వచ్చేవి. కాని ప్రధాని నరేంద్రమోదీ గత మంగళవారం పెద్దనోట్ల రద్దు ప్రకటనతో అవినీతిపై ఫిర్యాదులు తగ్గినట్లు ఏసిబి వర్గాలు తెలిపాయి. ప్రస్తుతం రోజుకు ఐదుకు ఈ ఫిర్యాదులు పరిమితమయ్యాయి. సాధారణంగా ఏసిబి కేసుల్లో ఐదు వందలు, వెయ్యి నోట్లు పట్టుబడుతుంటాయి. పైగా లంచం అడిగే వారికి కూడా ఇచ్చేవారు పెద్ద నోట్ల రూపంలోనే లంచం ఇస్తుంటారు. కాగా కొన్ని ప్రభుత్వ కార్యాలయాల్లో నగదుకు బదులు ఖరీదైన బహుమతులు అడుగుతున్నట్లు, మరి కొందరు వంద రూపాయల డినామినేషన్ ప్రకారం లంచంగా సొమ్ము ఇవ్వాలని కోరుతున్నట్లు ఫిర్యాదులు అందుతున్నాయని ఏసిబి వర్గాలు తెలిపాయి. మరోవైపు పెద్దనోట్ల రద్దు ప్రభావం సైబర్ నేరాలపైనా పడింది. ఆర్థిక లావాదేవీల్లో రుణాలు, మేట్రిమోనియల్ ఫ్రాడ్స్‌కు సంబంధించిన ఫిర్యాదులు ఎక్కువగా వచ్చేవి. కొంత మంది అమాయకులు సైబర్ నేరగాళ్ల మాటలు విని ఆన్‌లైన్‌లో సొమ్మును డిపాజిట్ చేస్తే నేరగాళ్లు మరో చోట డ్రా చేసే వారు. పెద్ద నోట్ల రద్దుతో సైబర్ నేరగాళ్లు ఇది సమయం కాదనుకున్నారేమో కార్యకలాపాలను నిలిపివేశారు. రోజుకు పది వరకు రకరకాల ఆర్థిక సైబర్ నేరాలపై ఫిర్యాదులు వచ్చేవి. ప్రస్తుతం ఈ సంఖ్య తగ్గిందని పోలీసులు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.