రాష్ట్రీయం
కరెన్సీ ‘థ్రెడ్’ ఒకటే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 15: మన దేశంలో కరెన్సీ నోట్ల ముద్రణకు ఉపయోగించే సిరా (ఇంక్), సిల్వర్ థ్రెడ్‌ను సరఫరా చేస్తున్న సంస్థే పాకిస్తాన్‌కూ సరఫరా చేస్తున్నదని మజ్లిస్ పార్టీ అధ్యక్షుడు, లోక్‌సభ సభ్యుడు అసదుద్దీన్ ఒవైసీ తెలిపారు. దీనిపై కేంద్ర ప్రభుత్వం ఏ విధంగా స్పందిస్తుందని ఆయన మంగళవారం ఓ వార్తా సంస్థతో మాట్లాడుతూ ప్రశ్నించారు. ఉన్నపళంగా పెద్ద నోట్లను రద్దు చేయడం వల్ల ప్రతి ఒక్కరికీ ఇబ్బందులు తలెత్తాయని అన్నారు. ముఖ్యంగా పేద, మధ్య తరగతి ప్రజలు సమస్యలను ఎదుర్కొంటున్నారని ఆయన చెప్పారు. పెద్ద నోట్లను రద్దు చేసి, కొత్త నోట్లను చలామణిలోకి తేవాలనుకున్నప్పుడు అందుకు అనుగుణంగా చర్యలు తీసుకోవాల్సి ఉందని, గడువుఇవ్వాల్సి ఉందని అన్నారు. అలా చేయకపోవడం వల్లే సమస్యలు వస్తున్నాయని ఆయన తెలిపారు. ఎవరైనా పెద్ద మొత్తంలో డబ్బులు ఖాతాలో జమ చేస్తుంటే పట్టుకోవాలని అన్నారు. గతంలో ఫిలిప్పీన్స్, యూరప్ దేశాల్లో నోట్ల మార్పిడి చేసినా, ప్రజలకు సరిపోయేంత గడువు ఇవ్వడం జరిగిందని ఆయన గుర్తు చేశారు.
పెద్ద నోట్లను రద్దు చేసి ప్రజలకు కష్టాలు తెచ్చి పెట్టిన కేంద్ర ప్రభుత్వంపై పార్లమెంటు శీతాకాల సమావేశాల్లో వాయిదా తీర్మానం ప్రవేశపెట్టనున్నట్లు చెప్పారు. ప్రభుత్వం కొత్తగా ప్రవేశపెట్టిన 2 వేల రూపాయల నోటును ప్రజలు వినియోగించుకునే పరిస్థితి లేదని, అందుకు సరిపడా చిల్లర వ్యాపారుల వద్ద లేదని అసద్ అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.