రాష్ట్రీయం
పాత్రికేయులకు అవార్డులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 1: రాష్ట్ర విద్యా వ్యవస్థ మీద విశే్లషాణాత్మక కథనాలు అందించిన పాత్రికేయులకు డాక్టర్ సర్వేపల్లి రాధాకృష్ణన్ పేరు మీద ఉత్తమ వార్తా కథన పురస్కారాలు ఇవ్వాలని నిర్ణయించినట్లు ఆంధ్రప్రదేశ్ రాష్ట్ర మానవ వనరుల అభివృద్ధి శాఖ మంత్రి గంటా శ్రీనివాసరావు తెలిపారు. రాష్ట్రాన్ని ఎడ్యుకేషన్ హబ్‌గా, నాలెడ్జ్ సిటీగా మార్చడమే ప్రభుత్వ ధ్యేయమని ఈ ఉన్నత లక్ష్యంలో ప్రజాస్వామ్యానికి ఊపిరి అయిన పాత్రికేయులను కూడా భాగస్వామ్యం చేయాలని విద్యాశాఖ నిర్ణయించిందని ఆయన ఒక ప్రకటనలో పేర్కొన్నారు. అనుభవజ్ఞులైన వారితో కమిటీ ఏర్పాటు చేసి ఉత్తమమైన వాటిని ఎంపిక చేసి పూర్తి పారదర్శకంగా ప్రకటిస్తామని తెలిపారు. ప్రింట్ మీడియాలో ఇంగ్లీషు, తెలుగుతోపాటు ఎలక్ట్రానిక్ మీడియాకు కూడా ఈ అవార్డులు అందజేస్తామని అన్నారు. ఒక్కో అవార్డుకు రూ.25 వేల నగదు, జ్ఞాపిక అందజేస్తామని తెలిపారు. ఈ వివరాలన్నీ జనవరి 1 నుంచి ఎంహెచ్‌ఆర్‌డి వెబ్‌సైట్‌తో పాటు సిఎస్‌సి, ఎస్‌ఎస్‌ఏ వెబ్‌సైట్లలో అందుబాటులో ఉంటాయని తెలిపారు.
బెజవాడకు ఐఏఎస్‌ల
బస్సు ప్రయాణం
ఆంధ్రభూమి బ్యూరో
హైదరాబాద్, జనవరి 1: ఆంధ్రప్రదేశ్ ముఖ్యమంత్రి చంద్రబాబు నాయుడును కలిసి నూతన సంవత్సర శుభాకాంక్షలు తెలిపేందుకు పలువురు ఐఏఎస్ అధికారులు హైదరాబాద్ నుంచి విజయవాడకు ప్రత్యేక బస్సులో బయలుదేరి వెళ్లారు. శుక్రవారం సాయంత్రం చంద్రబాబును కలిసి శుభాకాంక్షలు తెలిపారు. చంద్రబాబును కలిసిన బృందంలో సీనియర్ ఐఏఎస్‌లు జెపి శర్మ, ఎల్వీ సుబ్రహ్మణ్యం, సిసోడియా, రవిచంద్ర, లింగరాజ్ పాణి గ్రహి, అశోక్‌తో పాటు పలువురు అధికారులు ఉన్నారు.
పెన్షనర్లకు మెడికల్ అలవెన్సు
ఆంధ్రభూమి బ్యూరో
హైదరాబాద్, జనవరి 1: రాష్ట్ర ప్రభుత్వ పెన్షనర్లకు మెడికల్ అలవెన్సు రూ.300 పెంచుతూ ప్రభుత్వం ఉత్తర్వులు జారీ చేసిందని ఎపి యునైటెడ్ టీచర్స్ ఫెడరేషన్ తెలిపింది. ఈ ఉత్తర్వుల వల్ల ప్రభుత్వ పెన్షనర్లతో పాటు స్థానిక సంస్థలు, ఎయిడెడ్ విద్యా సంస్థలకు చెందిన పెన్షనర్లకు, ప్రభుత్వ విశ్వవిద్యాలయాలకు చెందిన నాన్ టీచింగ్ పెన్షనర్లకు అలెవెన్సు మంజూరు చేసే విధానం డిసెంబర్ 31వ తేదీ నుంచి అమల్లోకి వచ్చిందని యుటిఎఫ్ అధ్యక్ష, ప్రధానకార్యదర్శులు ఐ వెంకటేశ్వరరావు, పి బాబురెడ్డి ఒక ప్రకటనలో తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.