రాష్ట్రీయం
సూర్యనారాయణ సేవలు అసామాన్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 29: రాష్ట్రీయ స్వయంసేవక్ సంఘ్ (ఆర్‌ఎస్‌ఎస్) ప్రముఖ్, 93ఏళ్ల సైద్ధాంతికవేత్త దివంగత కె సూర్యనారాయణ సేవలు అనన్యసామాన్యమని సంఘ్ నేతలు ఘనంగా కొనియాడారు. గత 19వ తేదీన బెంగళూరులోని అపోలో ఆస్పత్రిలో కన్నుమూసిన సూర్యనారాయణకు సంతాపంగా ఆర్‌ఎస్‌ఎస్ నేతలు మంగళవారం నాడిక్కడ ప్రత్యేక కార్యక్రమాన్ని నిర్వహించారు. సూర్యనారాయణ చిత్రపటానికి పూల మాలలు వేసి ఘన నివాళి అర్పించారు. సూర్యనారాయణ మృతికి సంతాపంగా రెండు నిమిషాల పాటు వౌనం పాటించారు. సూర్యనారాయణ కన్నుమూతతో సంఘ్ పరివార్ పెద్దదిక్కును కోల్పోయినట్టయిందని సంయుక్త ప్రధానకార్యదర్శి వి భాగయ్య పేర్కొన్నారు. స్వయంసేవకులకు తండ్రిలా బోధించి, గురువులా శిక్షణ ఇచ్చేవారని, వారి జీవితం అమరమైనదని, జ్వలిస్తూ జ్వాలగా మారిపోయారని అన్నారు. ఆఖరి రోజు వరకూ ఆయన ప్రసన్నమైన పరాక్రమమైన జీవితాన్ని కొనసాగించారని, పవిత్రంగా, నిర్మలంగా జీవించారని చెప్పారు.
సంఘ్ సిద్ధాంతాన్ని ప్రచారం చేస్తూనే మరో పక్క సంఘటనను విస్తరణ చేసేవారని, క్లిష్టమైన సమయాల్లోనూ సంయమనంతో ఉండేవారని, తరతరాలను ప్రభావితం చేశారని భాగయ్య పేర్కొన్నారు. ఆయన ధ్యేయం, ఆశయాలను నెరవేర్చేందుకు ప్రతి ఒక్కరూ కార్యోన్ముఖులు కావాలన్నారు. ఈ కార్యక్రమంలో సంఘ్ ప్రాంత సంచాలకుడు పేటా వెంకటేశ్వరరావు, క్షేత్ర ప్రచారకులు శ్యాంకుమార్, జస్టిస్ సి వి రాములు, విశ్వహిందూ పరిషత్ నేత గోపాల్, లింగం సుధాకర్‌రెడ్డి, జస్టిస్ పర్వతరావు, వయక్తిక్ గీత్ సహా పలువురు సంఘ్ నేతలు పాల్గొన్నారు. ద్వారా స్వయం సేవక్ కార్యకర్తలకు గత 70 సంవత్సరాల పాటు ఆయన ఆర్‌ఎస్‌ఎస్‌కు పలు హోదాల్లో సేవలు అందించారని సుధాకర్‌రెడ్డి పేర్కొన్నారు. 1924 ఆగస్టు 20న కృష్ణప్ప, సుందరమ్మ దంపతులకు సూర్యనారాయణ జన్మించారని గోపాల్ చెప్పారు. 1942లో విద్యార్థి దశలోనే ఆయన ఆర్‌ఎస్‌ఎస్ పట్ల ఆకర్షితులై అందులో చేరారని, 1946లో బిఎస్సీ పూర్తి కాగానే ఆయన ఆర్‌ఎస్‌ఎస్ ప్రచారక్‌గా నియమితులయ్యారని పేర్కొన్నారు. కర్ణాటక నుండి ఆర్‌ఎస్‌ఎస్‌లో చేరిన తొలి ముగ్గురు ప్రచారక్‌లలో సూర్యనారాయణ ఒకరని అన్నారు. సూర్యనారాయణ అఖిల భారతీయ సేవా ప్రముఖ్‌గా కూడా చాలా కాలం పనిచేశారని జస్టిస్ పర్వతరావు చెప్పారు.
కర్ణాటక విభాగ్ ప్రముఖ్‌గా, తమిళనాడు ప్రాంతీయ ప్రచారక్‌గా తర్వాత దక్షిణాది రాష్ట్రాల క్షేత్ర ప్రచారక్‌గా పనిచేశారని జస్టిస్ సి వి రాములు చెప్పారు. అమెరికా, ట్రినిడాడ్, కెనడా, ఇంగ్లాండ్, జర్మనీ, హాలండ్, నార్వే, కెన్యా, మలేసియా, సింగపూర్, నేపాల్ తదితర దేశాలలో ఆయన పర్యటించారని శ్యాంకుమార్ నివాళులు అర్పించారు. విశ్వ హిందూ పరిషత్, వనవాసి కళ్యాణ్ ఆశ్రమం, ఆరోగ్య భారతి, సేవా భారతి తదితర ఆర్‌ఎస్‌ఎస్ అనుబంధ సంస్థలతో చాలా సన్నిహితంగా ఉంటూ సేవలు అందించారని, కన్ను మూసేనాటికి ఆయన సెంట్రల్ ఎగ్జిక్యూటివ్ సభ్యుడిగా ఉన్నారని అన్నారు. 1969లో కర్ణాటకలోని ఉడిపిలో సంత్ సమ్మేళన్‌ను దిగ్విజయంగా నిర్వహించి అందరి దృష్టినీ ఆయన ఆకర్షించారని చెప్పారు.
చిత్రం..సూర్యనారాయణ చిత్రపటానికి పూలమాల వేసి
నివాళి అర్పిస్తున్న ఆర్‌ఎస్‌ఎస్ సంయుక్త ఫ్రధాన కార్యదర్శి భాగయ్య
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.