రాష్ట్రీయం
తేలని కృష్ణా జలాల వివాదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 30: తెలంగాణ, ఆంధ్రల మధ్య కృష్ణా జలాల వినియోగంపై చర్చించేందుకు, ఇరు రాష్ట్రాలకు ఆమోదయోగ్యమైన నిర్ణయం తీసుకునేందుకు బుధవారం ఇక్కడ జరిగిన కృష్ణా నదీ యాజమాన్య బోర్డు త్రిసభ్య సమావేశం ఎలాంటి పరిష్కార మార్గాలు కనుక్కోలేకపోయంది. పోతిరెడ్డిపాడు నుంచి 53 టిఎంసి శ్రీశైలం జలాలను మాత్రమే వినియోగించుకున్నామని ఆంధ్ర ప్రకటించగా, 61 టిఎంసి ఏపీ తరలించుకుపోయిందని తెలంగాణ ఆరోపించింది. ఈ అంశంపై ఖచ్చితమైన లెక్కలు లేకపోవడంతో కృష్ణా బోర్డు పరిష్కారమార్గాన్ని సూచించలేకపోయంది. తెలంగాణ రాష్ట్రంలోని కృష్ణాపరీవాహక ప్రాంతాల్లో ఉన్న చిన్ననీటి వనరుల ద్వారా తెలంగాణ ఇప్పటికే 89.15 టిఎంసి నీటిని వాడుకున్నదని ఏపీ వాదించగా, తాము కేవలం 29 టిఎంసి నీటిని మాత్రమే వాడుకున్నామని తెలంగాణ అంటోంది. దాంతో ఈ అంశంపైనా బోర్డు ఒక నిర్ణయానికి రాలేకపోయింది. పట్టిసీమ ద్వారా ఆంధ్రప్రదేశ్ 52 టిఎంసిల నీటిని వినియోగించుకున్నదని, అందువల్ల ఆ నీటిలో తమ వాటా ఏమిటో తేల్చాలని తెలంగాణ డిమాండ్ చేస్తోంది. ఈ మూడు అంశాలపై స్పష్టత రాకపోవడంతో రబీ పంటల వినియోగం కోసం కృష్ణా జలాల కేటాయింపుపై బుధవారం సమావేశంలో ఎలాంటి నిర్ణయం తీసుకోలేకపోయారు. రబీ పంటలకు కృష్ణా జలాలను 103 టిఎంసి కేటాయించాలంటూ తెలంగాణ డిమాండ్ చేస్తోంది. అయితే తెలంగాణకు కేవలం 28 టిఎంసి నీటిని మాత్రమే కేటాయించాలని, తమకు 145.90 టిఎంసి కేటాయించాలని ఆంధ్రప్రదేశ్ కోరుతోంది. ఈ అంశంపై బుధవారం జరిగిన బోర్డు సమావేశంలో అవగాహన కుదరలేదు. మళ్లీ త్వరలో మరో పర్యాయం సమావేశం కావాలని నిర్ణయించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.