రాష్ట్రీయం
బ్యానర్ల కింద ప్రెషర్ బాంబు
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం, డిసెంబర్ 1: విప్లవ కారిడార్‌లో పిఎల్‌జిఏ వారోత్సవాల నేపథ్యంలో మావోయిస్టులు కొత్త తరహా హింసాత్మక ఘటనలకు పాల్పడుతున్నారు. నేటి నుంచి 8వరకు పిఎల్‌జీఏ వారోత్సవాలు నిర్వహించాలని మావోయిస్టులు పిలుపునిచ్చారు. విప్లవకారిడార్ రాజధానిగా చెప్పుకునే ఛత్తీస్‌గఢ్ దండకారణ్యం సరిహద్దున ఉన్న జయశంకర్ భూపాల్‌పల్లి జిల్లా వెంకటాపురం మండలం విజయపురి కాలనీ వద్ద పిఎల్‌జీఏ వారోత్సవాలు విజయవంతం చేయాలని బ్యానర్లు, వాల్‌పోస్టర్లు వదిలిన మావోయిస్టులు వాటి కింద ప్రెషర్ బాంబులు పెట్టారు. వెంకటాపురానికి చెందిన కార్తీక్ అనే ఆటో డ్రైవర్ వాటిని తొలగిస్తున్న క్రమంలో ఆ బాంబు పేలి గురువారం ఉదయం తీవ్రంగా గాయపడ్డాడు. వెంటనే అతన్ని వరంగల్ ఎంజిఎం ఆసుపత్రికి తరలించారు. పరిస్థితి విషమంగా ఉంది. భద్రాద్రి కొత్తగూడెం జిల్లా చర్ల మండల కేంద్రంలో, వెంకటాపురం మండలం ఆలుబాక, విజయపురికాలనీ తదితర ప్రాంతాల్లో కూడా వాల్‌పోస్టర్లు వదిలారు. శబరి, చర్ల ఏరియా కమిటీల పేరుతో వదిలిన ఈ పోస్టర్లలో పిఎల్‌జీఏ వారోత్సవాలను విజయవంతం చేయాలని, భారీ ఎత్తున యువతీ, యువకులు మావోయిస్టు పార్టీలో చేరాలని పిలుపునిచ్చారు. ఛత్తీస్‌గఢ్ రాష్ట్రం బీజాపూర్ జిల్లా బైరంగడ్, మట్వాడ ప్రాంతాల్లో మావోయిస్టులు ఎన్‌హెచ్-63పై బ్యానర్లు కట్టి, వాల్‌పోసర్టర్లు వేశారు. మావోయిస్టులు ఈ ఏడాది కాలంలో ఛత్తీస్‌గఢ్ దండకారణ్యంలో 120 మందిని కోల్పోయారు. బీజాపూర్, సుక్మా, కొండగావ్, జగదల్‌పూర్, ఏఓబీలో, తాజాగా కేరళ అడవుల్లో జరిగిన ఎన్‌కౌంటర్లలో అగ్రనేతలను కోల్పోయారు. తెలంగాణ రాష్ట్రంలోని కెకెడబ్ల్యు కమిటీ కూడా ఎన్‌కౌంటర్లో హతమైంది. ఈ నేపథ్యంలో వారికి నివాళులు అర్పిస్తూ పిఎల్‌జీఏ వారోత్సవాలను గ్రామగ్రామాన నిర్వహించాలని మావోయిస్టులు పిలుపునిచ్చారు. ఈ ఘటనలతో దండకారణ్యంతో పాటు మావోయిస్టు ప్రభావిత ప్రాంతాల్లో యుద్దవాతావరణం నెలకొంది. మావోయిస్టుల హెచ్చరికలతో ఇప్పటికే పలువురు ప్రజాప్రతినిధులు, హిట్‌లిస్టులో ఉన్న వారంతా గ్రామాలు వదిలి పట్టణాలకు వలస బాట పట్టారు. ఆర్టీసీ కూడా మావోయిస్టు ప్రభావిత మారుమూల ప్రాంతాలకు బస్సు సర్వీసులను నిలిపివేసింది. పోలీసుల హెచ్చరికలతో పగటి పూట మాత్రమే సర్వీసులను మారుమూల గ్రామాలకు నడుపుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.