రాష్ట్రీయం
డబ్బొచ్చింది!
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, డిసెంబర్ 2:బ్యాంకుల్లో, ఏటిఎంలలో నగదు లేక అల్లాడుతున్న ప్రజలకు ఓ శుభవార్త. రాష్ట్రానికి ఆర్‌బిఐ 2,420 కోట్ల రూపాయల నగదును అందించింది. ఆర్‌బిఐ ఇలా విడుదల చేసిందే తడవు రాష్ట్ర ప్రభుత్వం ఆ నగదును యుద్ధప్రాతిపదికన విమానాల్లో వివిధ ప్రాంతాలకు తరలించి, తక్షణమే ఆ నగదు బ్యాంకుల్లో జమ అయ్యేలా చర్యలు తీసుకోవడం విశేషం.
వివరాల్లోకి వెళితే.. పెద్దనోట్ల రద్దు నేపథ్యంలో చిన్ననోట్లు, కొత్తనోట్ల కోసం ప్రజల్లో నెలకొన్న ఆందోళన నివారించి, బ్యాంకులు, ఏటిఎంలలో సరిపడ డబ్బు సమకూర్చేందుకు ఏపి సీఎం చంద్రబాబునాయుడు సంక్షోభం మొదలయిన తొలిరోజు నుంచీ సమీక్షలు నిర్వహిస్తున్న క్రమంలో ఈ సమస్య పరిష్కరించేందుకు కేంద్రం ఆయన చైర్మన్‌గా సబ్ కమిటీ వేసిన విషయం తెలిసిందే. ఈ క్రమంలో బాబు అభ్యర్థనకు స్పందించిన ఆర్‌బిఐ గవర్నర్, రాష్ట్రానికి 2420 కోట్ల రూపాయలు పంపేందుకు అంగీకరించారు. దానితో యుద్ధ ప్రాతిపదికన ఏర్పాట్లను అర్ధరాత్రి వరకూ సమీక్షించిన బాబు జిల్లాలవారీగా బ్యాంకు అధికారులు, కలెక్టర్లు, ఎస్పీలతో మరోసారి చర్చించారు. శుక్రవారం మధ్యాహ్నానికల్లా రాష్ట్రంలోని అన్ని ప్రాంతాలకు ఆర్‌బిఐ పంపే నోట్లను ఎలా పంపిణీ చేయాలన్న దానిపై సీరియస్‌గా చర్చించారు.
సాధారణంగా అయితే ఆర్‌బిఐ పంపే కంటైనర్లు చివరి జిల్లాకు చేరాలంటే కనీసం రెండురోజులు పడుతుంది. ఉదాహరణకు శ్రీకాకుళం, కడప, నెల్లూరు వంటి జిల్లాలకు హైదరాబాద్ నుంచి కంటైనర్ల ద్వారా డబ్బు పోవాలంటే ఎక్కువ సమయం తీసుకుంటుంది. భద్రతాపరమైన ఏర్పాట్లు కూడా పదింతలు ఎక్కువ తీసుకోవాల్సి ఉంటుంది. ఆ విధంగా అయితే సమయం సరిపోక, ఒత్తిడి మరింత పెరుగుతుందని గ్రహించిన బాబు తక్షణమే రెండు ప్రత్యేక విమానాలను రాష్ట్ర ప్రభుత్వ ఖర్చుతో ఏర్పాటుచేసి, విమానాశ్రయాలకు చేర్చాలని నిర్ణయించారు.
అక్కడినుంచి పెద్ద వాహనాల ద్వారా జిల్లాలకు చేర్చాలని రోడ్‌మ్యాప్ ఖరారు చేశారు. దానికోసం ప్రత్యేకించి ఆర్‌బిఐ పంపిన అధికారులు, పోలీసులతో చర్చలు జరిపే బాధ్యతను రాష్ట్ర ప్రభుత్వ ప్రధాన కార్యదర్శి ఠక్కర్‌కు అప్పగించారు. ఆయన అర్ధరాత్రి నుంచి తెల్లవారుజామువరకూ పురోగతిని సమీక్షించారు. ఫలితంగా శుక్రవారం నాటికి తిరుపతి, విశాఖ ప్రత్యేక విమానాల ద్వారా నగదు చేరి, అక్కడినుంచి రోడ్డుమార్గం ద్వారా జిల్లాలకు చేర్చారు. ఈ నగదు పంపిణీని సాధారణ, మధ్య, పెద్దస్థాయి నగరాలుగా విభజించి 160 నుంచి 240 కోట్ల వరకూ పంపిణీ చేశారు. తాము ప్రత్యేక విమానాల్లో పంపిన ఈ నగదును సకాలంలో బ్యాంకులకు చేర్చినందువల్ల బ్యాంకు ఉద్యోగులు ప్రజల కోసం ఓవర్‌టైం పనిచేసేలా చూడాలని బాబు ఆర్‌బిఐని అభ్యర్థించారు. రెండోకంటికి తెలియకుండా గురువారం అర్థరాత్రి నుంచి మొదలైన ఈ ‘ఆపరేషన్ మనీ’ శుక్రవారం మధ్యాహ్నానికల్లా బ్యాంకులకు చేరడంతో ముగిసింది.
చిత్రం..హైదరాబాద్ నుంచి నగదుతో రేణిగుంట ఎయర్‌పోర్ట్‌కు చేరుకున్న ట్రూ జెట్ విమానం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.