రాష్ట్రీయం
ఆంధ్ర అధికారుల గైర్హాజర్‌తో కృష్ణాబోర్డు సమావేశం వాయిదా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 2: రబీ సీజన్‌లో నాగార్జునసాగర్, శ్రీశైలం ప్రాజెక్టుల నుంచి ఆంధ్రప్రదేశ్, తెలంగాణ రాష్ట్రాలకు విడుదల చేయాల్సిన నీటి పంపిణీపై చర్చించడానికి శుక్రవారం సమావేశం కావాల్సిన కృష్ణా నీటి యాజమాన్య బోర్డు సమావేశం వాయిదా పడింది. ఇరు రాష్ట్రాల నీటి పంపకాలపై నిర్ణయం తీసుకోవడానికి త్రిసభ్య కమిటీని ఏర్పాటు చేసిన విషయం తెలిసిందే. కృష్ణా బోర్డు సభ్య కార్యదర్శి సమీర్ చటర్జీ అధ్యక్షతన తెలంగాణ, ఆంధ్రప్రదేశ్ రాష్ట్రాలకు చెందిన నీటిపారుదలశాఖ ఇంజనీరింగ్ ఇన్ చీఫ్‌లు సభ్యులుగా త్రిసభ్య కమిటీని ఏర్పాటు చేసిన విషయం తెలిసిందే. శుక్రవారం జరగాల్సిన త్రిసభ్య సమావేశానికి ఆంధ్రప్రదేశ్ నీటిపారుదలశాఖ ఇంజనీరింగ్ ఇన్ చీఫ్ వెంకటేశ్వర్‌రావు గైర్హాజర్ కావడంతో సమావేశాన్ని వాయిదా వేసినట్టు అధికార వర్గాలు తెలిపాయి. కృష్ణా బోర్డు బుధవారం సమావేశమైనప్పటికీ ఇందులో నీటి పంపకాలపై ఇరు రాష్ట్రాల మధ్య ఏకాభిప్రాయం కుదరకపోవడంతో శుక్రవారం తిరిగి సమావేశం కావాలని నిర్ణయించింది. అయితే ఈ సమావేశానికి రావడానికి తమకు వీలుపడలేదని మరోసారి సమావేశాన్ని ఏర్పాటు చేయాలని ఆంధ్రప్రదేశ్ ఇఎన్‌సి కోరడంతో వాయిదా వేసినట్టు కృష్ణా బోర్డు వర్గాలు తెలిపాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.