రాష్ట్రీయం
జూనియర్ కాలేజీలుగా గురుకులాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 2: తెలంగాణ రాష్ట్రంలోని రెసిడెన్షియల్ స్కూళ్లు అన్నింటినీ జూనియర్ కాలేజీలుగా అప్‌గ్రేడ్ చేస్తున్నట్టు డిప్యూటీ సిఎం కడియం శ్రీహరి పేర్కొన్నారు. వచ్చే విద్యాసంవత్సరం నుండి వసతులున్న చోట జూనియర్ కాలేజీలను ప్రారంభిస్తామని చెప్పారు. రెసిడెన్షియల్ , మోడల్ స్కూళ్ల ప్రిన్సిపాల్స్ లీడర్స్ మీట్ 2016నును కడియం శ్రీహరి ఇందిరా ప్రియదర్శిని ఆడిటోరియంలో ప్రారంభించారు. తెలంగాణ రెసిడెన్షియల్ స్కూళ్లు, మోడల్ స్కూళ్లు అత్యంత ప్రతిష్ఠాత్మకమైనవని కొనియాడారు. తెలంగాణ విద్యార్థులను ప్రపంచంలో ఏ పరీక్షనైనా ఎదుర్కొనే విధంగా తీర్చిదిద్దాలని ముఖ్యమంత్రి కెసిఆర్ ఆదేశించారని, ఆ మేరకు మన పాఠశాలలను ఉత్తమంగా తీర్చిదిద్దుకోవాలని కడియం శ్రీహరి కోరారు. రెసిడెన్షియల్ స్కూళ్లు, మోడల్ స్కూళ్లలో ప్రవేశం దొరకాలంటే కష్టతరమయ్యే విధంగా వాటిని తయారుచేయాల్సిన బాధ్యత ప్రిన్సిపాళ్లపై ఉందని అన్నారు. ప్రస్తుతం వౌలిక వసతులు అన్నీ కల్పిస్తున్నామని, ఇక విద్యా ప్రమాణాలు పెంచాల్సిన పని మీ చేతుల్లోనే ఉందని అన్నారు. తెలంగాణ స్కూళ్లు దేశానికే తలమానికం కావాలని ఆకాంక్షించారు. కేవలం మార్కులే గీటురాయిగా కాకుండా ఉత్తమ పౌరులుగా మన విద్యార్థులను తీర్చిదిద్దాలని కోరారు.
మారుతున్న కాలానికి అనుగుణంగా టెక్నాలజీ సాయంతో విద్యాబోధన చేసేందుకు త్వరలోనే సబ్జెక్టు టీచర్లకు ట్రైనింగ్ సెంటర్ ఏర్పాటు చేస్తున్నట్టు ప్రకటించారు. మోడల్ స్కూళ్లలో డిజిటల్ క్లాసులు, కంప్యూటర్ ల్యాబ్‌లు ఖచ్చితంగా నిర్వహించాలని అన్నారు. రెసిడెన్షియల్ స్కూళ్లు, హాస్టళ్లలో బాలికల భద్రతపై ప్రిన్సిపాల్‌లు ప్రత్యేక శ్రద్ధ తీసుకోవాలని అన్నారు. తల్లిదండ్రులు, బంధువుల అండర్ టేకింగ్స్ లేకుండా బయటకు పంపవద్దన్నారు. స్కూళ్లను బాయ్‌కాట్ చేయడానికి వస్తే అంగీకరించవద్దని అన్నారు.
వచ్చే రెండేళ్లలో జవహర్ నవోదయ, కేంద్రీయ విద్యాలయాల కంటే మిన్నగా మన స్కూళ్లను తీర్చిదిద్దాలని అన్నారు. ప్రస్తుతం వౌలిక వసతుల కల్పనపై దృష్టి సారించామని, వచ్చే విద్యాసంవత్సరం ప్రారంభం నాటికి వీటి కల్పన పూర్తవుతుందని అన్నారు. ఆ తర్వాత స్కూళ్లకు ర్యాంకులు ఇచ్చి గ్రేడింగ్‌లు ఇస్తామని చెప్పారు. ఉత్తమ ప్రిన్సిపాళ్లను టీచర్లను సన్మానిస్తామని అన్నారు. ఈ ఏడాది గ్రేడింగ్ ఉండదని, టెన్షన్ పడొద్దని చెప్పారు. ఈ సమావేశంలో విద్యాశాఖ ప్రత్యేక కార్యదర్శి రంజీవ్ ఆచార్య, పాఠశాల విద్యాశాఖ సంచాలకుడు కిషన్, ఇంటర్ బోర్డు కార్యదర్శి అశోక్, రెసిడెన్షియల్ స్కూళ్ల సొసైటీ కార్యదర్శి శేషుకుమారి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.