రాష్ట్రీయం
బెజవాడలో ‘వంగవీటి’ హల్‌చల్
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, డిసెంబర్ 3: కుల రాజకీయాలకు పెట్టింది పేరయిన బెజవాడలో సంచలన సినీ దర్శక నిర్మాత రాంగోపాల్‌వర్మ నిర్మించనున్న ‘వంగవీటి’ సినిమా విడుదలకు ముందే వివాదంగా మారుతోంది. సినిమా ప్రమోషన్, పబ్లిసిటీలో తనదైన శైలితో అందరినీ ఆకట్టుకునే వర్మ విడుదల చేసిన ఈ సినిమా టీజర్, ప్రత్యర్ధి సామాజికవర్గాలయిన కమ్మ-కాపులలో ఉత్కంఠ కలిగిస్తోంది. దివంగత రంగా హత్య, అంతకుముందు బెజవాడ ఘటనలపై తమ సామాజిక, కుటుంబాల పాత్రలను వర్మ ఏవిధంగా చిత్రీకరించారన్న ఉత్కంఠ ఆ రెండు సామాజికవర్గాల్లో స్పష్టంగా కనిపిస్తున్నట్లు వంగవీటి, దేవినేని కుటుంబసభ్యుల మాటలు స్పష్టం చేస్తున్నాయి. వంగవీటి సినిమా ప్రమోషన్ కోసం శనివారం విజయవాడ వచ్చిన దర్శక నిర్మాత రాంగోపాల్‌వర్మ పర్యటన ఆద్యంతం ఉత్కంఠభరితంగా సాగింది. సినిమా నిర్మాణానికి ముందు సీనియర్ నేత దేవినేని నెహ్రూతో మాట్లాడిన వర్మ, తాజాగా తన సినిమాలోని పాత్రలను వివరించేందుకు వంగవీటి కుటుంబసభ్యులతో భేటీ అయ్యారు. దీనికి హెల్ప్ ఆసుపత్రి వేదికయింది. ఈ భేటీలో రంగా భార్య, మాజీ ఎమ్మెల్యే వంగవీటి రత్నకుమారి, తనయుడు వంగవీటి రాధాతోపాటు సినిమా నిర్మాత దాసరి కిరణ్, రంగా-రాధా మిత్రమండలి నేతలు కూడా పాల్గొన్నారు. గుడివాడ వైసీపీ ఎమ్మెల్యే నాని వీరిద్దరికి మధ్యవర్తిత్వం వహించి ఈ భేటీ ఏర్పాటు చేయడంలో కీలకపాత్ర పోషించారు. ఈ భేటీలో తన తండ్రి పాత్రపై చిత్రీకరణ ఏవిధంగా ఉంటుందని రాధా వర్మను ప్రశ్నించినట్లు తెలుస్తోంది. సినిమాల్లోని కొన్ని సీన్లను వివరించగా, వాటిపై వంగవీటి కుటుంబం అభ్యంతరం వ్యక్తం చేసి, వాటిని తొలగించాలని డిమాండ్ చేసింది. రంగాను కించపరిచేలా సన్నివేశాలుంటే సహించేది లేదని, వివాదస్పద సన్నివేశాలను తొలగించాల్సిందేనని రాధా స్పష్టం చేసినప్పటికీ, వర్మనుంచి మాత్రం ఎలాంటి స్పందన రాలేదని సమాచారం. కులాలను ప్రస్తావిస్తూ వర్మ పాడిన పాటను కూడా తొలగించాలని సూచించినా వర్మ వౌనంగా విని ఊరుకున్నట్లు చెబుతున్నారు. దాదాపు గంటన్నరసేపు వీరి భేటీ కొనసాగింది. బయటకు వచ్చి మీడియాతో మాట్లాడిన రాధా భేటీపై అసంతృప్తి కూడా వ్యక్తం చేశారు. ఇంకా తమకు అభ్యంతరాలున్నాయి. వర్మ వివరణతో సంతృప్తి చెందలేదని అన్నారు.‘ఆయన వచ్చి మాట్లాడతానంటేనే మేం మాట్లాడటం జరిగింది. మా అభ్యంతరాలేమిటో ఆయనకు చెప్పాం. ఆ తర్వాత ఆయనిష్టం. రంగాను కించపరిచేలా ఉంటే మాత్రం సహించేది లేదు. రంగా ఒక సామాజికవర్గానికి చెందిన వ్యక్తి మాత్రమే కాదు. అయినా కేసు కోర్టులో ఉంది. అక్కడే తేల్చుకుంటాం’ అని రాధా వ్యాఖ్యానించారు. వర్మ తన పర్యటనలో తెదేపా సీనియర్ నేత దేవినేని నెహ్రూతో కూడా భేటీ అయ్యారు. ఆ సందర్భంగా తన సినిమా గురించి ఆయన నెహ్రూకు వివరించారు. వర్మ పాడిన పాటను తొలగించాలని నెహ్రూ సూచించగా, అది సాధ్యం కాదని అందులో వివాదం ఏమీ ఉండదని వర్మ చెప్పినట్లు సమాచారం. సమాజంలోని వ్యక్తులపై సినిమా తీసే హక్కు తనకుందని, అయినా వంగవీటి సినిమా తన డ్రీమ్ ప్రాజెక్టని వర్మ చెప్పారు. ఆడియో రిలీజుకు ఎవరినీ పిలవలేదని దేవినేనికి వివరించారు.
నెహ్రూతో భేటీ తర్వాత మీడియాతో మాట్లాడిన వర్మ, సినిమాలోని ఒక పాటపై అనవసర రాద్ధాంతం చేస్తున్నారని, రాధాతో భేటీ గురించి ఇప్పుడేమీ చెప్పలేనని, దానిపై భేదాభిప్రాయాలున్నాయన్నారు. అయితే రాధా సూచనలను పరిగణనలోకి తీసుకునేది లేదని స్పష్టం చేశారు. ఈ సినిమాతో రక్తపాతం జరుగుతుందన్న ప్రచారాన్ని కొట్టిపారేశారు.
తమ భేటీపై స్పందించిన దేవినేని నెహ్రూ ఒక పాటను తొలగించాలని కోరినట్లు వెల్లడించారు. తనకు నిమిషంన్నర ట్రైలర్ మాత్రమే చూపారని, సినిమా చూపించలేదన్నారు. సినిమా విడుదల తర్వాత విజయవాడలో మళ్లీ ఘర్షణలు జరిగే పరిస్థితి ఇప్పుడు లేదని, అయినా సినిమాలు చూసి కొట్టుకుచచ్చే పరిస్థితి సమాజంలో లేదన్నారు.
కాగా, వంగవీటి కుటుంబసభ్యులకు, వర్మకు మధ్యవర్తిగా వ్యవహరించిన గుడివాడ ఎమ్మెల్యే నాని వారి భేటీ అంత సంతృప్తికరంగా సాగలేదని మీడియాకు చెప్పారు.
చిత్రాలు.. నెహ్రూతో కలిసి విలేఖర్లతో మాట్లాడుతున్న వర్మ, వంగవీటి కుటుంబంతో భేటీ అయన రాంగోపాల్‌వర్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.