రాష్ట్రీయం
‘అన్నయ్యా’ అని పిలిచేవారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 6: ‘అన్నయ్యా’ అని తమిళనాడు దివంగత ముఖ్యమంత్రి జయలలిత తనను అప్యాయంగా పిలిస్తే కడుపు, మనసు సంతోషంతో నిండిపోయేవని దర్శకరత్న దాసరి నారాయణ రావు గద్గద స్వరంతో అన్నారు. అలనాటి ప్రముఖ సినీ నటి, తమిళనాట రాజకీయాల్లో తనదంటూ ప్రత్యేకతను నిలుపుకున్న జయలలిత అస్తమించడం పట్ల సినీ నటులు, దర్శకులు దిగ్భ్రాంతి చెందారు. తెలుగు సినీ పరిశ్రమ విచారం వ్యక్తం చేసింది. కేంద్ర మాజీ మంత్రి, దర్శకుడు దాసరి నారాయణ రావు ఈ సందర్భంగా జయలలితతో తన కుటుంబానికి ఉన్న అప్యాయత గురించి నెమరువేసుకున్నారు. లోగడ తాను, తన శ్రీమతి కలిసి జయలలితను కలిసినప్పుడు ఎంతో బాగా పలకరించి, ఆప్యాయంగా అన్నయ్యా అని పిలిచారని ఆయన తెలిపారు. అంతేకాకుండా పలుసార్లు ఫోన్‌లో మాట్లాడినప్పుడు కూడా తనను అన్నయ్యా అని పిలిచారని చెప్పారు. ఆమె ఇల్లు ‘పోయెస్ గార్డెన్’లో షూటింగ్ చేసే భాగ్యం తనకు కలిగిందని అన్నారు. ప్రముఖ సినీ నటి జమున కూడా జయలలితతో తనకు ఉన్న అనుబంధాన్ని గుర్తు చేసుకున్నారు. జయలలిత ముఖ్యమంత్రిగా బిజీగా ఉన్నా, తనతో సన్నిహితంగా మాట్లాడేవారని చెప్పారు. జయలలిత అమ్మలాంటి వారని మూవీ ఆర్టిస్ట్ అసోసియేషన్ (మా) అధ్యక్షుడు రాజేంద్ర ప్రసాద్ అన్నారు. ఆమె మృతి పట్ల సంతాపం వ్యక్తం చేశారు. జయలలిత అనేక తెలుగు సినిమాల్లో నటించారు. అందులో విశ్వవిఖ్యాత నటసార్వభౌముడు ఎన్టీఆర్‌తో 10 సినిమాల్లో, నటసామ్రాట్ అక్కినేని నాగేశ్వర రావుతో ఏడు సినిమాల్లో నటించారు. ఇంకా నటశేఖర కృష్ణ, శోభన్ బాబు వంటి ప్రముఖ నటులతో కూడా ఆమె నటించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.