రాష్ట్రీయం
పోలీస్ కస్టడీకి మోసగాడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 11: ఎక్స్‌లెంట్ మేనేజ్‌మెంట్ సర్వీసెస్, ఆర్బిట్ సొల్యూషన్స్ సంస్థల పేరుతో మోసానికి పాల్పడి కోర్టుకు లొంగిపోయిన ఘరానా మోసగాడిని సిసిఎస్ పోలీసులు తమ కస్టడీకి తీసుకున్నారు. తమ సంస్థల్లో పెట్టుబడులు పెడితే రెండు నెలల్లోనే 30 నుంచి 35 శాతం లాభాలు ఇస్తానంటూ రూ. 20 కోట్ల మేర మోసానికి పాల్పడినట్టు నిందితుడు విచారణలో అంగీకరించాడు. లాభాల పేరుతో భారీ మొత్తంలో అమాయక ప్రజలను మోసం చేసిన ఇతని నుంచి సిసిఎస్ పోలీసులు కీలక ఆధారాలు సేకరించారు. ఇతని దగ్గర మోసపోయిన వారిలో ప్రవాస భారతీయులు కూడా ఉన్నారని డిసిపి అవినాష్ మహంతి ఆదివారం వెల్లడించారు. మాసబ్ ట్యాంక్ ప్రాంతానికి చెందిన షేక్ ఇర్షాద్ మహమ్మద్ తన స్నేహితుడైన కె రవికిరణ్‌తో కలసి యూసుఫ్‌గూడ ప్రాంతంలో ఎక్స్‌లెంట్ మేనేజ్‌మెంట్ సర్వీసెస్ పేరుతో, రవికిరణ్ భార్య హిమబిందు శివాంగితో కలసి ఆర్బిట్ సొల్యూషన్స్ పేరిట సంస్థలు ఏర్పాటు చేశారు. తమ సంస్థల్లో పెట్టుబడులు పెడితే అధిక శాతం లాభాలు గడించొచ్చని నమ్మబలికి బంధువులు, స్నేహితులతోపాటు ప్రవాస భారతీయులను ఆకర్షించి 2013 నుంచి 2016 వరకు రూ. 20 కోట్ల మేర పెట్టుబడులు సేకరించాడు. ఈ ముగ్గురు ఓ రెస్టారెంట్‌తోపాటు ఏడు సంస్థలను ఏర్పాటు చేసి నిధులను వాటిలోకి మళ్లించారు. కాగా వీరు పెట్టుబడుల పేరుతో సేకరించిన నిధులతో స్థిర చరాస్తులు, ఖరీదైన కార్లు కొనుగోలు చేయడంతో పాటు విదేశాలకు టూర్లు వెళ్లి వచ్చేవారు. వీరి వద్ద నుంచి రూ. 8.05 కోట్లు పెట్టుబడి పెట్టినట్టు మహమ్మద్ అఫ్రోజ్, మహమ్మద్ ఇమ్రోజ్, మహమ్మద్ రఫీలు ఎస్సార్‌నగర్ పోలీసులకు ఫిర్యాదు చేశారు. ఈమేరకు కేసు నమోదు చేసుకున్న పోలీసులు తదుపరి దర్యాప్తు నిమిత్తం ఈ కేసును సిసిఎస్ పోలీసులకు బదిలీ చేశారు. ఈ విషయం తెలుసుకున్న ఇర్షాద్ మహమ్మద్ గత జూన్‌లో ఆస్ట్రేలియా పారిపోయాడు. కొన్ని రోజులు అక్కడే ఉండగా, స్నేహితులు గుర్తించడంతో గత్యంతరం లేక డిసెంబర్ 5న క్రిమినల్ కోర్టులో లొంగిపోయాడు. న్యాయస్థానం అనుమతితో ఇర్షాద్ మహమ్మద్‌ను సిసిఎస్ పోలీసులు మూడు రోజులపాటు కస్టడీలోకి తీసుకుని విచారించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.