రాష్ట్రీయం
ఫ్రీ సర్వీస్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 12: నగదురహిత చెల్లింపుల్లో సర్వీసు చార్జీల బాదుడులేకుండా ప్రజలకు ఉచిత సేవలు అందేలా ప్రభుత్వం చర్యలు తీసుకోవాలని కేబినెట్ సబ్ కమిటీ సూచించింది. డిజిటల్ చెల్లింపుల్లో ప్రయివేట్ సంస్థలు సర్వీసు చార్జీలు వసూలు చేస్తున్నాయని, ఆ భారంనుంచి ప్రజలకు విముక్తి కలిగించాలని సూచించింది. ఈ అంశంపై ప్రధాని నరేంద్ర మోదీతో మాట్లాడి సానుకూల నిర్ణయం వచ్చేలా చర్యలు తీసుకుంటామని సిఎం కెసిఆర్ హామీ ఇచ్చినట్టు ఐటి మంత్రి కె తారక రామారావు వెల్లడించారు. నగదు రహిత చెల్లింపులను ప్రోత్సహించేందుకు తీసుకోవాల్సిన చర్యలపై అధ్యయనానికి కెటిఆర్ నేతృత్వంలో ఏర్పాటైన కేబినెట్ సబ్ కమిటీ సోమవారం సమావేశమైంది. మంత్రులు ఈటల రాజేందర్, జూపల్లి కృష్ణారావు, జగదీశ్‌రెడ్డి, మహేందర్‌రెడ్డి, వివిధ శాఖల అధికారులు, బ్యాంకుల ప్రతినిధులు, టి-వాలెట్ సర్వీసు ప్రొవైడర్లు సబ్ కమిటీ సమావేశానికి హాజరయ్యారు. తెలంగాణలో అన్ని ప్రభుత్వ శాఖల చెల్లింపులు డిజిటల్ రూపంలో జరగాలని, మొదట్లో సాధ్యమైనంత ఎక్కువగా క్యాష్ లెస్ చెల్లింపులు చేస్తూ దశలవారిగా తెలంగాణను నగదురహిత చెల్లింపుల రాష్ట్రంగా తీర్చిదిద్దాలన్నది ప్రభుత్వ లక్ష్యంగా కెటిఆర్ వివరించారు. నోట్ల రద్దు వల్ల తలెత్తిన పరిస్థితులను ఒక అవకాశంగా తీసుకుంటామని, క్యాష్‌లెస్ పద్ధతులతో ప్రభుత్వ వ్యవస్థలో పారదర్శకత, వేగాన్ని పెంచేందుకు ప్రయత్నం చేస్తామన్నారు. అన్ని శాఖలు అంతిమంగా డిజిటల్ చెల్లింపులకు వెళ్లాల్సిందేనని కెటిఆర్ సూచించారు. క్యాష్ లెస్ చెల్లింపుల ద్వారా ప్రజలకు సౌకర్యం పెరగాలన్నదే ప్రభుత్వ ప్రాథమిక లక్ష్యంగా కెటిఆర్ వివరించారు. క్యాష్‌లెస్ లావాదేవీలను గ్రామీణ, పట్టణ ప్రాంతాల్లోని ప్రజలకు సమాంతరంగా తీసుకెళ్తామన్నారు. దీని కోసం ఆర్థిక, ఐటి శాఖలు ఇప్పటికే ఆర్థిక వ్యవహారాలపై ప్రజల్లో, వ్యాపారుల్లో చైతన్యం తీసుకొచ్చేందుకు వివిధ కార్యక్రమాలు నిర్వహిస్తున్నట్టు కెటిఆర్ చెప్పారు. ప్రజల నంచి ప్రభుత్వానికి, ప్రభుత్వం నుంచి ప్రజలకు మధ్య జరిగే ఆర్థిక లావాదేవీలన్నీ టి-వ్యాలెట్ ద్వారా ఉచితంగా జరిగేలా చూస్తామని హామీ ఇచ్చారు. ప్రజలు, ప్రైవేటు సంస్థలు, ఆర్థిక వ్యవస్థల లావాదేవీలపై ఎలాంటి చార్జీలు లేకుండా పూర్తిగా ఉచితం చేయాలని కేంద్రాన్ని కోరతామన్నారు. వివిధ సంస్థలు, బ్యాంకుల మధ్య పరస్పర సహకారంతో టి-వాలెట్‌తో కలిసి పనిచేసేలా చూస్తామన్నారు. టి-వాలెట్‌తో ఇతర వాలెట్‌లకు చెల్లింపులు చేసే సౌకర్యం ఏర్పాటు చేస్తామన్నారు. ఈమేరకు సిఎం కెసిఆర్ ప్రధానితో మాట్లాడతానని హామీ ఇచ్చారన్నారు. టి-వ్యాలెట్ పై ఐటి శాఖ కార్యదర్శి మంత్రివర్గ ఉప సంఘానికి ప్రజంటేషన్ ఇచ్చారు. ప్రభుత్వం ఏర్పాటు చేసే టి-వాలెట్ అంతర్జాతీయ ప్రమాణాలతో ఉంటుందని, సెక్యూరిటీ అత్యున్నతంగా ఉంటుందని చెప్పారు. డిజిటల్ చెల్లింపులపై ఏర్పాటు చేసిన సురేష్ చందా టాస్క్ ఫోర్స్ తమ కమిటీ అధ్యయనాన్ని, సూచనలను ఉప సంఘానికి తెలియజేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.