రాష్ట్రీయం
కాల్పుల కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 18: హైదరాబాద్‌లో గన్ కల్చర్ పెరిగిపోతోంది. తాజాగా మాసాబ్‌టాంక్ సమీపంలోని శాంతి నగర్ కాలనీలో ఆదివారం నాడు మరో కాల్పుల సంఘటన చోటు చేసుకుంది. శాంతినగర్ కాలనీలోని శ్రీదుర్గ కానుమిల్లి అపార్ట్‌మెంట్స్‌లో నివాసముంటున్న కెబిఎస్ బ్యాంక్ మేనేజింగ్ డైరెక్టర్ హన్మంత్ దాలియాపై ఓ దుండగుడు రెండు రౌండ్లు కాల్పులు జరిపి పరారయ్యాడు. ఈ సంఘటనలో గాయపడిన బ్యాంక్ ఎండి హన్మంత్‌ను స్థానికులు బంజారాహిల్స్‌లోని కేర్ ఆసుపత్రికి తరలించారు. దుండగుడు తొలుత అపార్టుమెంట్‌కు వచ్చి బ్యాంకు లో పనిచేసే వ్యక్తి కావాలని వాచ్‌మన్‌ను అడిగాడు. బ్యాంక్‌లో పనిచేసే వారెవరూ లేరని చెప్పడంతో అతని కారును గుర్తుపడతానంటూ ఓ కారుని చూపి, ఈ కారు అతనిదే అని చెప్పడంతో వాచ్‌మన్ కారు యజమాని హన్మంత్ దాలియాతో మాట్లాడి సదరు అపరిచిత వ్యక్తిని మేడపైకి తీసుకెళ్లాడు. ఆ తరువాత అపరిచిత వ్యక్తి, బ్యాంక్ ఎండి కొద్దిసేపు ఇంట్లోకి వెళ్లి మాట్లాడుకున్నారని వాచ్‌మన్ చెప్పినట్టు డిసిపి వెంకటేశ్వరరావు తెలిపారు. ఆ తరువాత కొద్దిసేపటికే కాల్పుల శబ్దం రావడంతో వాచ్‌మన్ మళ్లీ పైకి వెళ్లిచూడగా హన్మంత్ రక్తపు మడుగులో పడి ఉండటం కనిపించింది. అప్పటికే నిందితుడు పారిపోయాడు. కాగా అగంతకుడు కాల్పులు జరపడానికి కారణం తెలియడం లేదని, కేసు దర్యాప్తు చేస్తున్నామని డిసిపి తెలిపారు.
కాగా హన్మంత్ దాలియాను నగర కమిషనర్ మహేందర్‌రెడ్డి పరామర్శించారు. అనంతరం ఆయన మీడియాతో మాట్లాడుతూ కాల్పులకు తెగబడిన దుండగుడిని త్వరలోనే పట్టుకుంటామని చెప్పారు. హన్మంత్ దాలియా ఇంట్లో దుండగుడు రెండు రౌండ్లు కాల్పులు జరిపాడని, మొదటి రౌండ్ గాల్లోకి, రెండో రౌండ్ కాళ్లపైకి జరపడంతో హన్మంత్ కాలుకు గాయమైందన్నారు. బాధితుడి పరిస్థితి నిలకడగానే ఉందన్నారు. దుండగుడు మొదటగా వాచ్‌మెన్ దగ్గరికి వచ్చినప్పుడు ఇంటర్ కమ్ ఫోన్‌లో బ్యాంక్ ఎండితో మాట్లాడించి పైకి తీసుకెళ్లాడని, హన్మంత్ దాలియాతో నిందితుడు బ్యాంక్ అధికారినంటూ ఒకసారి..క్రైం టీమ్ పోలీస్‌నంటూ మరోసారి చెప్పినట్టు గుర్తించామన్నారు. అయితే బాధితుడిపై కాల్పులు జరిపింది మాత్రం ఒక్కరేనని మహేందర్‌రెడ్డి చెప్పారు.
చిత్రాలు..కాల్పుల్లో గాయపడిన కెబిఎస్ బ్యాంక్ మేనేజింగ్ డైరెక్టర్ హన్మంత్ దాలియా
ఘటనపై వివరాలు సేకరిస్తున్న డిసిపి వెంకటేశ్వరరావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.