రాష్ట్రీయం
వర్మ-రాధా మాటల యుద్ధం!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 26: రాంగోపాల్ వర్మ.. వివాదాల పుట్ట. ఇటీవల ఆయన తీసిన ‘వంగవీటి’ సినిమా అనుటున్నట్లుగానే వివాదాస్పదమయింది. వంగవీటి రంగా కుటుంబంపై అభ్యంతరకర దృశ్యాలు చిత్రీకరించారంటూ రంగా తనయుడైన మాజీ ఎమ్మెల్యే రాధాకృష్ణ తాజాగా మీడియాకెక్కి, డిజిపికి సైతం ఫిర్యాదు చేశారు. తాజాగా తన తండ్రి రంగా వర్ధంతి సందర్భంగా మీడియాతో మాట్లాడిన రాధా సినిమా దర్శక, నిర్మాత వర్మపై కారాలు, మిరియాలు నూరారు. వర్మను ఆయనో ‘పకోడిగాడు’గా అభివర్ణించి ఆ వేస్ట్‌ఫెలో తీసిన సినిమా గురించి మాట్లాడాల్సిన పనిలేదని, తగిన మూల్యం చెల్లించుకుంటారని వార్నింగ్ ఇచ్చారు. అయితే, వర్మ కూడా ఎక్కడా తగ్గకుండా బస్తీమే సవాల్ అని ఘాటుగా కౌంటర్ ఇచ్చి, రంగాను గాంధీ మహాత్ముడిలా చూపించాలా?.. అంటూ సెటైర్లు సంధించడంతో వంగవీటి సినిమా వ్యవహారానికి బోలెడంత ఉచిత ప్రచారం లభించినట్టయింది. ఇద్దరి మాటల తూటాలు ఘాటుగానే సాగాయి.
‘ఎవడో పకోడిగాడు తలాతోక లేకుండా తీసిన సినిమా గురించి మాట్లాడుకోనక్కరలేదు. ఆ వర్మకు డబ్బే ప్రధానమనుకుంటే రంగా అభిమానులే చందాలు పోగుచేసి ఆయన ముఖాన విసిరేసేవారం’ అని వంగవీటి రాధాకృష్ణ నిప్పులు చెరిగారు. రంగా 28వ వర్ధంతి సందర్భంగా సోమవారం విజయవాడ నగరంలోని పలు ప్రాంతాల్లో జరిగిన వివిధ కార్యక్రమాల్లో పాల్గొన్న రాధాకృష్ణ తొలుత బందరు రోడ్డులోని రంగా విగ్రహానికి పూలమాల వేసి ఘనంగా నివాళులర్పించారు.‘అసలు వంగవీటి అనేది బ్రాండ్ నేమ్. ఎవడో పకోడిగాడు తీసిన సినిమా వల్ల ఆ బ్రాండ్ వాల్యూ తగ్గ’దన్నారు. అసలు ముందూవెనుకా తెలియని ఇలాంటి వేస్ట్‌ఫెలో తీసిన సినిమా గురించి పట్టించుకోవాల్సిన అవసరం లేదన్నారు. రంగాను దారుణంగా హత్య చేసినవారు నేటికీ దర్జాగా తిరుగుతున్నా ఆయన కళ్లకు కన్పించడం లేదా? అంటూ, తనకే అన్నీ తెలుసంటూ కోతలుకోసే వర్మ రంగా క్యారెక్టర్‌ను తప్పుగా చిత్రీకరించినందుకు తగిన మూల్యం చెల్లించుకోక తప్పదని రాధా హెచ్చరించారు. ఈ సినిమాపై తాను ఇచ్చిన ఫిర్యాదుపై పోలీసులు ఏమిచేయాలో, తానేమిచేయాలో తనకు బాగా తెలుసన్నారు.
రంగాను గాంధీగా చూపించాలా?:వర్మ
తననేదో చేసేస్తానంటూ వంగవీటి రాధాకృష్ణ చేస్తున్న బెదిరింపులకు తాను ఏమాత్రం భయపడేది లేదన్న రాంగోపాల్‌వర్మ బస్తీమే సవాల్ అన్నారు. ఆయన ఒక ప్రైవేటు చానెల్‌లో మాట్లాడుతూ రాధాపై విరుచుకుపడ్డారు. రంగా క్యారెక్టర్‌ను వక్రీకరించానన్నది పూర్తి అవాస్తవమంటూ ‘ఆయన ఉద్దేశం రంగాను బోసిపళ్ల మహాత్మాగాంధీగా చూపించాలా? మర్డర్ల మాట అటుంచి ఎవర్నీ మొట్టికాయ కూడా కొట్టలేదని చూపించాలా? మదర్ థెరిస్సా కంటే సాత్వికునిగా చూపించాలా? లేక నిరంతరం అన్నదానాలు, ప్రజాసేవ మినహా చీమకైనా హానిచెయ్యని గౌతమబుద్ధునిగా చూపించాలా?’.. అంటూ సెటైర్లు సంధించారు. ఇక రాధా చెబుతున్నట్లుగా వాస్తవాలే చూపించాల్సివస్తే రంగా గురించి, ఆయన భార్య గురించి రంగా అభిమానులు వినటానికి, చూడటానికి ఇష్టపడని ఆధారాలతో కూడిన వాస్తవాలను తు.చ.తప్పక చూపించగలనన్నారు. అయితే రంగాపై ఉన్న గౌరవంతో వాటిని ఎక్కడా చూపించలేదన్నారు. ఆయనకు దమ్ముంటే అవాస్తవాలేమిటో తెలియచేయాలని, ఒకవేళ రాధా డిమాండ్ చేస్తే వాటినన్నింటినీ కుండబద్దలు కొట్టినట్లు చెబుతానని వర్మ అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.