రాష్ట్రీయం
వెలుగొండ ప్రాజెక్టు నేనే పూర్తిచేస్తా
S ,7 à 8 RSCA (si SASPAS) et 6 cialis pharmacie cialis rapports de stage.
ఒంగోలు,జనవరి 4: రాష్ట్రాన్ని 2020 నాటికి భారతదేశంలో మూడవ రాష్ట్రంగాను, 2029నాటికి భారతదేశంలో నెంబర్‌వన్‌గాను, 2050నాటికి ప్రపంచంలోనే అభివృద్ధిలో అగ్రస్థానంలో నిలుపుతానని ముఖ్యమంత్రి ఎన్ చంద్రబాబునాయుడు వెల్లడించారు. ప్రకాశం జిల్లా మార్కాపురం మండలం రాయవరం గ్రామంలో జన్మభూమి -మాఊరు కార్యక్రమం జరిగింది. ఈకార్యక్రమానికి ముఖ్యఅతిథిగా విచ్చేసిన ముఖ్యమంత్రి మాట్లాడుతూ రాష్ట్రాన్ని అన్నిరంగాల్లో అభివృద్ధిపరుస్తానని తెలిపారు. రాజకీయాలకు అతీతంగా పేదవారిని అభివృద్ధిచేస్తానని ఆయన పేర్కొన్నారు. ఈ రాష్ట్రం నాకుటుంబం అని మీ జీవితాల్లో వెలుగులు చూడాలనేదే తన ఆకాంక్ష అన్నారు. ఎన్నో అభివృద్ధి కార్యక్రమాలను చేపట్టి ప్రజల గుండెల్లో నిలవాలని ఉందన్నారు. జన్మభూమి కార్యక్రమంపై కొంతమంది నిరంతరం పనికట్టుకుని విమర్శలు చేస్తున్నారని తాను అనుకున్న పనిని మొండిగా చేస్తానని ఆయన ప్రతిపక్షాలకు చురకలంటించారు. పదవుల్లో ఉంటే పిల్లలు చదవులకు దూరంగా ఉంటారని, కాని తన కుమారుడు మాత్రం అమెరికాలోని మంచి యూనివర్శిటీలోచదివించానని, తన కోడలుకూడా అమెరికాలోనే చదివిందని, వారు తనమీద ఆధారపడరన్నారు. చదువుఉంటే సంస్కారం ఉంటుందని ఆయన తన కుటుంబాన్ని ఉదహరించారు. రాష్టవ్య్రాప్తంగా నదుల అనుసంధానం చేస్తామని ఆయన తెలిపారు. ప్రకాశం జిల్లాలోని పూలసుబ్బయ్య వెలుగొండప్రాజెక్టు నిర్మాణానికి తానే శంకుస్ధాపన చేశానని, తానే పూర్తిచేస్తానని రైతులకు భరోసా ఇచ్చారు. వెలుగొండప్రాజెక్టు నిర్మాణం పూర్తిఅయితే ఈ ప్రాజెక్టు ద్వారా రాయలసీమకు నీటిని తీసుకువెళ్ళవచ్చునని ఆయన పేర్కొన్నారు. వర్షపునీటిని భూగర్భజలాలుగా మార్చుకుంటే రైతుల జీవితాలు బాగుపడ్తాయని ఆయన పేర్కొన్నారు. రైతులకు వ్యవసాయాన్ని లాభాసాటిగా చేస్తున్నామన్నారు. రైతులు వ్యవసాయంతోపాటు గొర్రెలపెంపకం, పాడిపరిశ్రమ, చేపల పెంపకం లాంటివి చేపట్టి ఆర్ధికంగా బలోపేతం కావాలని ఆయన కోరారు. ఫిబ్రవరి ఒకటవతేదీనుండి అన్ని హాస్పటల్స్‌లో ఎన్‌టిఆర్ వైద్య సేవల ద్వారా రోగులకు ఉచితంగా వైద్య పరీక్షలు అందిస్తున్నామని ఆయన పేర్కొన్నారు. ప్రైవేటు వైద్యశాలల్లోను రోగులకు మెరుగైన వైద్యం అందించేందుకు చర్యలు తీసుకున్నామన్నారు. హైదరాబాదులోని అధికారులందరు జూన్‌లోపల రావాలన్నారు. అధికారులకు తాత్కాలిక్ సెక్రటేరియట్‌ను నిర్మిస్తున్నామన్నారు. రాష్ట్రంలో అనేక అడ్డంకులు, సమస్యలు ఉన్నాయని ధైర్యంగా ముందుకు పోతే అనుకున్న లక్ష్యం నేరవెరుతుందన్నారు. రైతులకు, డ్వాక్రామహిళలకు రుణమాఫీ చేస్తున్నామని ఆయన పేర్కొన్నారు. ఎన్నికల్లో ఇచ్చిన హామీలను పూర్తిస్ధాయిలో అమలుచేస్తున్నామని తెలిపారు.
విద్యార్థులతో జన్మభూమి సభ
కాగా ముఖ్యమంత్రి నిర్వహించిన జన్మభూమి కార్యక్రమానికి గురుకుల పాఠశాలలు, సాంఘిక సంక్షేమశాఖలకు చెందిన విద్యార్థులు ఎక్కువ సంఖ్యలో హాజరయ్యారు. ఉదయంనుండి మధ్యాహ్నం వరకు విద్యార్థులు జన్మభూమి సభకే పరిమితం అయ్యారు. ఈ ఘటన విమర్శలకు తావిచ్చింది. కాగా ముందుగా జన్మభూమి -మా ఊరు కార్యక్రమంలో నాయకులు అధికారుల చేత ముఖ్యమంత్రి ప్రతిజ్ఞ చేయించారు.
మార్కాపురం మండలం రాయవరం బహిరంగ సభలో ప్రసంగిస్తున్న ముఖ్యమంత్రి చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.