రాష్ట్రీయం
రేషన్ కొండెక్కింది!
S ,7 à 8 RSCA (si SASPAS) et 6 cialis pharmacie cialis rapports de stage.
మడకశిర, జనవరి 6: ఈ-పాస్ కష్టాలు జనాన్ని వెంటాడుతున్నాయి. సిగ్నల్స్ సరిగా రాకపోవడంతో నిత్యావసరాల పంపిణీలో తీవ్ర జాప్యం జరుగుతోంది. రేషన్‌దుకాణాల ముందు జనం పడిగాపులు కాయాల్సివస్తోంది. అనంతపురం జిల్లా మడకశిర మండలం ఎ.రొప్పం గ్రామంలోని రేషన్ డీలర్ భీమక్క ఈ-పాస్ సిగ్నల్ కోసం జనాన్ని ఏకంగా సమీపంలోని కొండపైకి తీసుకువెళ్లి అక్కడే వేలిముద్రలు తీసుకుని సరుకులు పంపిణీ చేసిన వైనం...రేషన్ కష్టాలు కళ్లకు కట్టేదిలా ఉంది. రాష్ట్ర ప్రభుత్వం జనవరి మాసం నుండి రేషన్‌కార్డు వినియోగదారులకు నగదు రహిత లావాదేవీల ద్వారా నిత్యావసరాలు పంపిణీ చేయాలని ఆదేశించింది. అయితే గత ఆరు రోజులుగా స్థానికంగా ఈ-పాస్ యంత్రాల్లో సిగ్నల్స్ రావడం లేదు. బ్యాంక్ ఖాతా వివరాలు వచ్చే సమయంలో యంత్రాలు నిలిచిపోతుండటంతో ఎక్కడా 20 శాతం సరుకులు కూడా పంపిణీ కాలేదు. కొంతమంది డీలర్లు రాత్రి 10 గంటల తర్వాత చౌక దుకాణాలు తెరచి సిగ్నల్స్ కోసం ఎదురుతెన్నులు చూసి, సరుకులు పంపిణీ చేస్తున్నారు. మడకశిర మండలం ఎఆర్ రొప్పం గ్రామంలోని రేషన్ దుకాణంలో శుక్రవారం ఈ పాస్ యంత్రం సిగ్నల్స్ అందక మొరాయించింది. దీంతో రేషన్ డీలర్ భీమక్క గ్రామానికి రెండు కిలోమీటర్ల దూరంలో ఉన్న కొండపైకి చేరుకుని చూడగా అక్కడ సిగ్నల్ వచ్చింది. దీంతో కార్డుదారులంతా పొలోమంటూ కొండెక్కారు. అక్కడే ఈపాస్ యంత్రంలో వేలిముద్రలు వేసి బిల్లు చెల్లించారు. అనంతరం కొండ దిగివచ్చి దుకాణంలో సరుకులు తీసుకున్నారు. ఈ సందర్భంగా కార్డుదారులు రంగమ్మ, గంగమ్మ, తిప్మమ్మ, నాగరత్నమ్మ, అలివేలమ్మ మాట్లాడుతూ కొత్త నిబంధనతో దుకాణాల వద్ద గంటల తరబడి నిలుచోవాల్సి వస్తోందన్నారు. ఈరోజు ఏకంగా కొండ ఎక్కాల్సి వచ్చిందన్నారు.
చిత్రం..కొండపైన కార్డుదారుల నుంచి వేలిముద్రలు తీసుకుంటున్న రేషన్ డీలర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.