రాష్ట్రీయం
నేనేమీ పారిపోలేదు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జనవరి 5: ఐదుగురి ప్రాణాలు బలిగొన్న కల్తీ మద్యం వ్యవహారంలో 9వ నిందితుడిగా ఉన్న నగర కాంగ్రెస్ అధ్యక్షుడు, మాజీ శాసనసభ్యుడు మల్లాది విష్ణు అజ్ఞాతం వీడి మంగళవారం లబ్బీపేటలోని తన ఇంటికి చేరుకున్నారు. డిసెంబర్ 7న మీడియా ముందు హాజరై కల్తీ మద్యంతో తనకు సంబంధం లేదని, తన కుటుంబ సభ్యుల్లో కొందరికి లైసెన్స్‌లు ఉన్నాయని వివరించారు.అయితే కూలింగ్ వాటర్‌లో కొందరు ఉద్దేశపూర్వకంగా విషం కలపటం వల్లనే ఈ దుర్ఘటన జరిగిందని తెలిపారు. ఆ మర్నాడు ఆయనను 9వ ముద్దాయిగా చేర్చడంతో అజ్ఞాతంలోకి వెళ్లిపోయారు. మొత్తం 10 మంది ముద్దాయిల్లో తొమ్మిది మంది ఇప్పటికే అరెస్టయ్యారు. దాదాపు నెల రోజులుగా విష్ణు కోసం పోలీసులు తీవ్రంగా గాలించినా ఎలాంటి ప్రయోజనం లేకుండా పోయింది. విష్ణు పరారీపై రకరకాల ఊహాగానాలు చెలరేగాయి. ముందస్తు బెయిల్‌ను న్యాయస్థానం నిరాకరించటంతో గత్యంతరం లేని స్థితిలో ఆయన మంగళవారం ప్రత్యక్షమయ్యారు. ఈ సందర్భంగా తనను కలిసిన మీడియా ప్రతినిధులతో మాట్లాడుతూ తాను ఎక్కడకూ పారిపోలేదని, తీర్థయాత్రలకు వెళ్లానని, దీనికి సంబంధించి ముందుగానే రిజర్వేషన్లు కూడా చేసుకున్నామని చెప్పారు. తాను షిర్డీ, తిరుపతిలో ఉన్నట్లు మీడియాలో వచ్చిన కథనాలను కూడా ఈ సందర్భంగా విష్ణు ఉదహరించారు. న్యాయస్థానం అంటే తనకెంతో గౌరవం ఉందంటూ, కోర్టు ఆదేశాల ప్రకారం తాను నడుచుకుంటానని చెప్పారు. కోర్టు ఆదేశాల ప్రకారం విష్ణు బుధవారం ఉదయం ఈ కేసును విచారిస్తున్న సిట్ అధికారుల ముందు హాజరుకాబోతున్నారు. దీనికి సంబంధించి ఆయన న్యాయవాదులు సిట్ అధికారులను కలిసి ఏ సమయంలో హాజరుకావాలో అడిగి తెలుసుకున్నారు. విష్ణు చెప్పే కథనాన్ని సిట్ అధికారులు ఏమాత్రం విశ్వసించని పక్షంలో అరెస్ట్ చేసే అధికారాన్ని న్యాయస్థానం ఇప్పటికే ఇచ్చింది. ఇది అన్ని పక్షాల్లోనూ చర్చనీయాంశంగా మారింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.