రాష్ట్రీయం
ఎన్నికల చట్టాల్లో సంస్కరణలు రావాల్సిందే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 25: మన దేశంలో ఎన్నికల చట్టాల్లో పక్కా సంస్కరణలు రావల్సిన అవసరం ఎంతైన ఉందని గవర్నర్ నరసింహన్ వ్యాఖ్యానించారు. ప్రస్తుతం దేశంలో ఓటు హక్కును వినియోగించుకునే వారి శాతం బాగా తగ్గిపోతుందని ఆయన విచారం వ్యక్తం చేశారు. రాష్ట్ర ఎన్నికల సంఘం, జిహెచ్‌ఎంసి సంయుక్త్ధ్వార్యంలో బుధవారం రవీంద్రభారతిలో జాతీయ ఓటరు దినోత్సవ కార్యక్రమం జరిగింది. కార్యక్రమానికి ముఖ్య అతిధిగా హజరైన గవర్నర్ తొలుత వివిధ అంశాల్లో నిర్వహించిన పోటీల్లో విజేతలైన విద్యార్థులకు బహుమతులను ప్రదానం చేశారు. ఆ తర్వాత ఆయన విద్యార్థులనుద్దేశించి మాట్లాడుతూ ముఖ్యంగా బోగస్ ఓటర్లను ఏరివేసేందుకు ఆధార్ నెంబర్ అనుసంధానం చాలా ప్రయోజనకరంగా ఉంటుందన్నారు. ఎన్నికలు మరింత పారదర్శకంగా, ప్రజాస్వామ్య బద్దంగా నిర్వహించేందుకు వీలుగా సంస్కరణలు రావాలని, ఇది తాను ఒక గవర్నర్‌గా కాకుండా దేశ పౌరుడిగా డిమాండ్ చేస్తున్నానని ఆయన వ్యాఖ్యానించటంతో సమావేశ మందిరం సభికుల కరతాళ ధ్వనులతో మారుమోగింది. ఎన్నికల్లో నేర చరిత్ర కల్గిన వారిని పోటీ చేయకుండా అడ్డుకోవల్సిన అవసరముందన్నారు. ఎన్నికల్లో తప్పుడు అఫిడెవిట్లు ఇచ్చి రిటర్నింగ్ అధికారులను తప్పుదోవ పట్టించే వారిని, ప్రజలను ప్రలోభాలకు గురి చేస్తూ డబ్బు, మద్యం వంటివి పంపిణీ చేస్తూ కోట్లాది రూపాయలు పట్టుబడుతున్నా, అవి ఎక్కడికి పోతున్నాయి? నిందితులపై నమోదు చేసిన కేసులు తేలేందుకు ఎందుకు ఏళ్లతరబడి సమయం పడుతుందని ఆయన ప్రశ్నించారు. ఎన్నికలకు సంబంధించి ఎలాంటి నేరాలు పాల్పడినా, బాధ్యులను వెంటనే జైల్లో పెట్టేలా చర్యలు తీసుకోవాలన్నారు. ఇందుకు సంబంధించిన కేసులను కేవలం మూడు నెలల వ్యవధిలోనే విచారించి, బాధ్యులకు శిక్షలు పడేలా సమర్థవంతమైన సంస్కరణలు రావాలన్నారు. ఈ రకమైన అక్రమాలకు బాధ్యులైన వారిపై కఠిన చర్యలు తీసుకోవల్సిన అవసరముందన్నారు. నిందితులపై కేసులు నమోదు చేస్తే ఏ కోర్టు అయినా వారిని దోషులుగా తేల్చితే, ఇక వారు ఎగువ కోర్టుల్లో అప్పీలుకు వెళ్లే అవకాశం లేకుండా సంస్కరణలు తీసుకురావల్సిన అవసరం ఉందని అభిప్రాయపడ్డారు. భావితరాలను, దేశ భవిష్యత్తును దృష్టిలో పెట్టుకుని గ్రామీణ ప్రాంతాల్లో కూడా ఓటింగ్ శాతం పెరిగేలా అవగాహన పెంపొందించాలన్నారు. చట్టాల్లో మరిన్ని గొప్ప సంస్కరణలను తీసుకువచ్చి దేశంలో ఎన్నికలను మరింత పారదర్శకంగా నిర్వహించి మన జాతీయ ఎన్నికల కమీషన్ దేశంలోనే నెంబర్ వన్‌గా నిలవాలని గవర్నర్ ఆకాంక్షించారు. రాష్ట్ర ఎన్నికల కమిషనర్ నాగిరెడ్డి మాట్లాడుతూ ప్రజాస్వామ్యంలో ఎన్నికలకు సంబంధించి ఎన్నికల బరిలో నిలిచే అభ్యర్థులు, ఓటర్లు ఇద్దరు సమానులైనని వివరించారు. ఓటు హక్కు ఉన్న వారందరూ ఓట్లు వేయాలని, కానీ ఆలోచించి సమర్థులైన వారిని ఎన్నుకునే దిశగా ఓటర్లు ఆలోచించాలని సూచించారు. ఈ కార్యక్రమంలో ఆంధ్రప్రదేశ్, తెలంగాణ రాష్ట్రాల చీఫ్ ఎలక్ట్రోల్ ఆఫీసర్ భన్వర్‌లాల్, జిహెచ్‌ఎంసి కమిషనర్ బి.జనార్దన్ రెడ్డి తదితరులు పాల్గొన్నారు.
chitram...
వివిధ అంశాల్లో నిర్వహించిన పోటీల్లో విజేతలైన విద్యార్థులకు
బహుమతులను ప్రదానం చేస్తున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.