రాష్ట్రీయం
శాటిలైట్లతో సాగు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 29: రాష్ట్రంలో దశలవారీగా కోటి ఎకరాలకు సాగునీరు అందించడం లక్ష్యంగా పెట్టుకున్న తెలంగాణ ప్రభుత్వం, దీనికి పూర్తిస్థాయిలో సాంకేతిక సమాచార వ్యవస్థను వినియోగించుకోనుంది. రాష్ట్రానికి కేటాయించిన నదీ జలాలను పూర్తిగా వినియోగించుకోవడంతోపాటు సాగునీటి వనరులను శాస్ర్తియంగా నిర్వహించుకోవాలని భావిస్తోంది. ఈ మేరకు నేషనల్ రిమోట్ సెన్సింగ్ సెంటర్ (ఎన్‌ఆర్‌ఎస్‌సి), భారత అంతరిక్ష పరిశోధన కేంద్రం (ఇస్రో)లనుంచి శాస్త్ర సాంకేతిక పరిజ్ఞానాన్ని వినియోగించుకునేందుకు వీలుగా నీటి వనరుల సమాచార వ్యవస్థ (టిడబ్ల్యుఆర్‌ఐఎస్)ను ప్రభుత్వం ఏర్పాటు చేసింది. భారీ, మధ్యతరహా సాగునీటి వనరులను ఏకీకృత జియో-స్పాషియమ్ డేటా బేస్‌తో వెబ్ ఆధారిత జియో పోర్టల్‌కు అనుసంధానం చేస్తారు. దీనివల్ల నీటిపారుదల ప్రాజెక్టుల ప్రదేశం, జలాశయాల వివరాలు, ఆయకట్టు సమాచారాన్ని శాటిలైట్ చిత్రాల ద్వారా జలాశయాలలో గతిశీలక (డైనమిక్) నీటి విస్తరణ ప్రాంతం, కాలువ వ్యవస్థలను ఎప్పటికప్పుడు తెలుసుకుంటారు. నీటి లభ్యతను బట్టి ఆయకట్టుకు నీటిని విడుదల చేస్తారు. చిన్నతరహా సాగునీటి వనరులకు (చెరువులు) జియోటాగ్ చేసి జలాశయాలు, ఆయకట్టు సమాచారం తెలుసుకుని సీజన్ల వారీగా సాగు చేసే పంటలకు నీరు విడుదల చేస్తారు. భారీ, మధ్యతరహా ప్రాజెక్టులకు వచ్చే నదీ పరీవాహక ప్రాంతాల సమాచారం, వాస్తవిక నీటిస్థాయి, నది, ఉప నదుల ద్వారా జలాశయాలలోకి వచ్చే నీరు, బయటికి వెళ్లే నీటిపై జిల్లాలవారీగా సమాచారం అందుబాటులోకి వస్తుంది. వర్షపాతం, ఉష్ణోగ్రత, తేమ, పవన తీవ్రత, పవన దిశ హైడ్రోమెట్ డేటా ఆటోమేటిక్ వెదర్ స్టేషన్లనుంచి ఎప్పటికప్పుడు సమాచారం అందుబాటులో ఉంటుంది. దీనికి అదనంగా మొబైల్ అప్లికేషన్‌కు అనుసంధానం చేసి రోజువారీ జలాశయాలలో నీటి లభ్యతపై అవగాహనతో నీటి నియంత్రణకు చర్యలు తీసుకుంటారు. రాష్ట్రంలో ప్రస్తుత ప్రాజెక్టులలో నీటి లభ్యత, పంటల సాగుకు వివిధ దశలలో అవసరమైన నీరు, పరీవాహక ప్రాంతాలలో ఆయకట్టు గ్యాప్ తదితర సమాచారాన్ని ప్రణాళికవేత్తలకు, నిర్ణాయకర్తలకు సహకరించడానికి ఈ అంతరిక్ష సమాచార వ్యవస్థ దోహదం చేస్తుంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.