రాష్ట్రీయం
దేవాలయాల ఇఓలకు ‘చెక్’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 6: ఎపిలోని హిందూ దేవాలయాల్లో పనిచేస్తున్న ఎగ్జిక్యూటివ్ ఆఫీసర్లకు, ఇతర ఆలయ సిబ్బందికి ‘చెక్’ పెట్టాలని దేవాదాయ, ధర్మాదాయ శాఖ నిర్ణయించింది. దేవాలయాల్లో ఇఓలు పరిపాలనాపరంగా ఉన్నతస్థాయిలో ఉంటున్నారు. దాంతో ఇఓలు తమ ఇష్టానుసారం వ్యవహరిస్తున్నారన్న అపవాదు వస్తోంది. ఆలయాల్లో కీలకమైన భూమిక పోషిస్తున్న అర్చకులపై ఇఓలు పెత్తనం చేస్తున్నారు. చాలా ఆలయాల్లో అర్చకుల పట్ల గౌరవంగా, మర్యాదగా ఉండటం లేదన్న ఆరోపణలు వస్తున్నాయి. తాజాగా అన్నవరం ఆలయంలో ఒక అర్చకుడి పట్ల సదరు ఇఓ దురుసుగా ప్రవర్తించారని, దాంతో అర్చకులంతా నిరసన వ్యక్తం చేయడంతో పాటు ఆందోళనకు పూనుకున్నారు. గతంలో అనేక దేవాలయాల్లో ఈ తరహా సంఘటనలు అనేకం చోటు చేసుకున్నాయి. ఈ కారణంగా సిబ్బందితో పాటు ఇఓల కోసం ప్రత్యేకంగా ‘ప్రవర్తనా నియమావళి’ రూపొందించాలని దేవాదాయ శాఖ కమిషనర్ వైవి అనురాధ భావిస్తున్నారు. ప్రస్తుతం అమల్లో ఉన్న నియమావళి లోపభూయిష్టంగా ఉండటంతో సమర్థమైన ప్రవర్తనా నియమావళి రూపొందించాల్సిన అవసరం ఉందని భావిస్తున్నారు.
ఇఓలకు డ్రెస్ కోడ్ ఉండాలని, విధిగా పంచె, కండువా, ఉత్తరీయం ధరించి ఆలయ విధులకు హాజరయ్యేలా నియమావళి రూపొంచాలని భావిస్తున్నారు. ఇఓలుగా నియామకం చేసే ముందు వారికి సంస్కృతం, వేదాలు, ఆగమశాస్త్రంలో కొంతైనా అవగాహన ఉండేలా చూడాలని భావిస్తున్నారు. ఆలయానికి వచ్చే భక్తుల పట్ల ఇఓలతో పాటు దేవాలయ సిబ్బంది అంతా మర్యాదగా, గౌరవంగా ప్రవర్తించేలా చూడాలని భావిస్తున్నారు. ఇఓల నియామకం పబ్లిక్ సర్వీస్ కమిషన్ ద్వారా జరుగుతోంది. జనరల్ నాలెడ్జ్, ఇంగ్లీషు, కరెంట్‌అఫైర్స్, రాజకీయాలు తదితర అంశాలపైనే వీరికి పరీక్షలు నిర్వహిస్తున్నారు. అందుకే వీరిని ప్రభుత్వ సిబ్బందిగా పరిగణిస్తున్నారు. ఈ విధానంలో సమూల మార్పులు తీసుకురావాలన్న ప్రతిపాదన ముందుకు వచ్చింది. ఆయల నిర్వహణపై అవగాహన ఉండాలన్నది ప్రధానమైన అంశంగా మారింది. ప్రస్తుతం పనిచేస్తున్న ఇఓలకు ‘ఓరియంటేషన్ ట్రైనింగ్’ ఇవ్వాలని భావిస్తున్నారు. దేవాదాయ మంత్రి మాణిక్యాల రావుతో దేవాదాయ శాఖ కమిషనర్ ఈ అంశంపై పలుపర్యాయాలు చర్చించారు. కమిషనర్ ప్రతిపాదనలకు మంత్రి ఆమోదం తెలిపినట్టు తెలుస్తోంది. ఒక్క ఇఓలకే కాకుండా దేవాలయాల్లో పనిచేసే అందరికీ ‘ప్రవర్తనా నియమావళి’ని రూపొందించి అమలు చేయాలని మంత్రి సూచించినట్టు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.