రాష్ట్రీయం
ప్రాజెక్టులు పూర్తి చేస్తే ఉచిత విద్యుత్ అవసరమే రాదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 17: తెలంగాణలో నీటిపారుదల ప్రాజెక్టులు పూర్తయితే ఉచిత విద్యుత్ అమలు చేయాల్సిన అవసరం ఉండదని సిఎం కె చంద్రశేఖరరావు అన్నారు. గవర్నర్ ప్రసంగంపై ధన్యవాదాలు తెలిపే తీర్మానంపై జరుగుతున్న చర్చలో భాగంగా శుక్రవారం సిఎం కె చంద్రశేఖరరావు శాసనసభలో మాట్లాడారు. రైతాంగాన్ని ఏనాడూ నిర్లక్ష్యం చేయలేదని, ప్రాజెక్టుల నిర్మాణంలో రైతుల భూములకే కాకుండా వారి పంటలకు సైతం పరిహారం చెల్లించామని సిఎం తెలిపారు. నీటిపారుదల ప్రాజెక్టులు పూర్తయిన తర్వాత రైతాంగానికి ఉచిత విద్యుత్ అవసరం ఉండబోదని, కాళేశ్వరం ప్రాజెక్టు ద్వారా లక్షల కోట్ల పంటలు ఆదాయం చేతికి వస్తుందని, అలాగే లక్షల విలువైన చేపల పంట పండుతుందని అన్నారు. ఇప్పటికే నాలుగున్నర లక్షల ఎకరాలకు నీళ్లిచ్చామని, మరో ఏడాదిలో ఎనిమిదిన్నర లక్షల ఎకరాలకు నీళ్లు అందుతాయని చెప్పారు.
డబుల్ బెడ్‌రూంలు నిర్మించాకే..
తాము ముందే హామీ ఇచ్చినట్టు రాష్ట్రంలో రెండు పడకల గదుల ఇళ్లు నిర్మించిన తర్వాతే ఓట్ల కోసం ప్రజలవద్దకు వెళ్తామని సిఎం కెసిఆర్ స్పష్టం చేశారు. ఇళ్ల నిర్మాణంలో ప్రభుత్వం వెనక్కిపోలేదని, ప్రాజెక్టుల పనుల్లో కాంట్రాక్టర్లు బిజీగా ఉండటంతో ఇళ్ల నిర్మాణానికి ముందుకు రావడం లేదని చెప్పారు. హైదరాబాద్‌లో లక్ష ఇళ్లు, గ్రామాల్లో మరో లక్ష ఇళ్లు నిర్మించిన తర్వాతే తాము ఓట్లు అడుగుతామన్నారు. తాము నిర్మించే రెండు లక్షల ఇళ్లు తెదేపాలో కట్టిన 14 లక్షల ఇళ్లకు సమానమని, తాము లక్ష ఇళ్లకువెచ్చించే డబ్బుతోనే తెదేపా ఏడు లక్షల ఇళ్లు నిర్మించిందని అర్ధం చేసుకోవాలని సిఎం పేర్కొన్నారు.
కమ్యూనిస్టు సిద్ధాంతం అద్భుతం
కమ్యూనిస్టు సిద్ధాంతం అద్భుతమని, ప్రపంచంలో అంతకుమించిన సిద్ధాంతం మరొకటి లేదని సిఎం కెసిఆర్ వ్యాఖ్యానించారు. మావో, లెనిన్‌లు చెప్పినట్టు ఈ సిద్ధాంతం పరిణామశీలకంగా ఉండాలని, కాని రాను రాను కమ్యూనిస్టు సిద్ధాంతానికి తగ్గట్టు నేతలు లేకపోవడంతో ఈ దుస్థితి వచ్చిందన్నారు. సిద్ధాంతం గొప్పదని, కాని ఆ పార్టీ నేతలు జడత్వాన్ని సంతరించుకుని తాము పట్టిన కుందేటికి మూడేకాళ్లు అనే పద్ధతి అనుసరిస్తున్నారని ఎద్దేవా చేశారు. మున్సిపల్ కార్మికుల వేతనాలను పెంచే ఆలోచనలో ప్రభుత్వం ఉన్నట్టు తాను ప్రకటించిన రెండు రోజుల తర్వాత సిఐటియు నేతలు మున్సిపల్ కార్మికుల వేతనాలు పెంచాలంటే సమ్మె నోటీసు తనకు ఇస్తే దానిని ఎలా అర్ధం చేసుకోవాలని ప్రశ్నించారు. తాను ఎన్నడూ కమ్యూనిస్టు సిద్ధాంతాన్ని నిందించలేదని, నేతల పంథాను మాత్రమే ప్రశ్నించానని అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.