రాష్ట్రీయం
ప్రభుత్వ ఉద్యోగులకు సంక్రాంతి కానుక
S ,7 à 8 RSCA (si SASPAS) et 6 cialis pharmacie cialis rapports de stage.
ఆంధ్రభూమి బ్యూరో
తాడేపల్లిగూడెం, జనవరి 8: రాష్ట్ర ప్రభుత్వ ఉద్యోగులకు ముఖ్యమంత్రి చంద్రబాబునాయుడు సంక్రాంతి కానుక ప్రకటించారు. ఎన్నో నెలలుగా ఎదురు చూస్తున్న కరువుభత్యాన్ని ఫిబ్రవరి 1వ తేదీ నుండి నగదు రూపంలో చెల్లించనున్నట్లు ముఖ్యమంత్రి చంద్రబాబునాయుడు ప్రకటించారు. పశ్చిమ గోదావరి జిల్లా నల్లజర్ల మండలం జగన్నాథపురం గ్రామంలో శుక్రవారం జన్మభూమి సభలో ప్రకటించారు. దీనివల్ల ఏటా ప్రభుత్వంపై రూ.80 నుండి రూ.85 కోట్ల భారం పడుతుందన్నారు. మార్చి నుండి కేంద్ర ప్రభుత్వం ప్రకటించే కరవుభత్యాన్ని ఎప్పటికప్పుడు రాష్ట్ర ప్రభుత్వ ఉద్యోగులకు వర్తింపచేసేలా చర్యలు తీసుకుంటామన్నారు. రాష్ట్రం కష్టాల్లో ఉన్నప్పటికీ ఉద్యోగుల సంక్షేమాన్ని దృష్టిలో పెట్టుకుని 43 శాతం ఫిట్‌మెంట్ ప్రకటించామని, పదవీ విరమణ వయస్సు 60 సంవత్సరాలకు పెంచామన్నారు. సమైక్యాంధ్ర పోరాటంలో ఉద్యోగులు 80 రోజుల సమ్మెకాలాన్ని రెగ్యులర్‌చేసి ఉద్యోగులను అన్నివిధాలా ఆదుకుంటామన్నారు.పశ్చిమ గోదావరి జిల్లాలో భూ రికార్డులు కంప్యూటరీకరణ చేయడంలో రెవిన్యూ యంత్రాంగం కృషి ప్రశంసనీయమని ముఖ్యమంత్రి చంద్రబాబు పేర్కొన్నారు. ఈ విషయంలో పశ్చిమ గోదావరి జిల్లా రాష్ట్రంలోనే ఆదర్శంగా నిలిచిందన్నారు. ఇందుకు కృషిచేసిన జిల్లా కలెక్టర్ డాక్టర్ కాటంనేని భాస్కర్, జేసీ పి.కోటేశ్వరరావు, ఇతర రెవిన్యూ అధికార్లు, ఉద్యోగులను ఆయన అభినందించారు. రాజధాని అమరావతి నిర్మాణానికి రూ.2 లక్షలు విరాళం అందించిన నల్లజర్ల తహసీల్దారును ప్రత్యేకంగా అభినందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.