రాష్ట్రీయం
ప.గో.లో కూలిన చర్చి శ్లాబు
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, జనవరి 8: పశ్చిమగోదావరి జిల్లా భీమవరం పట్టణంలో శుక్రవారం మధ్యాహ్నం నిర్మాణంలో ఉన్న ఒక చర్చి శ్లాబు కూలిన దుర్ఘటనలో 14మంది తీవ్రంగా గాయపడ్డారు. వీరిలో కొందరి పరిస్థితి ఆందోళనకరంగావుంది. వివరాలిలావున్నాయి... స్థానిక సుంకర పద్దయ్యగారి వీధిలో మన్నా ప్రార్థనాలయం ఆవరణలో కొత్తగా చర్చి నిర్మాణం చేపట్టారు. ఏడాది క్రితం ప్రారంభమైన ఈ పనులు మూడు నెలలుగా వేగం పుంజుకున్నాయి. ఇందులో భాగంగా శ్లాబు నిర్మాణం చేపట్టారు. తాపీమేస్ర్తి మేడిద రమణ ఆధ్వర్యంలో ఉండికి చెందిన కెజెఆర్ ఆర్‌ఎంసి మిక్చర్ సంస్ధ ఈ శ్లాబ్ నిర్మాణం చేపట్టింది. శుక్రవారం మధ్యాహ్నం 2.30 గంటల సమయంలో ఒక్కసారిగా పెద్ద శబ్ధంతో కుప్పకూలిపోయింది. దీనితో పలువురు కూలీలు శ్లాబు కింద చిక్కుకుపోయారు. సుమారు 50 మంది కూలీలు ఆ సమయంలో పనుల్లో నిమగ్నమైవున్నారు. వీరిలో 21 మంది తీవ్రంగా గాయపడ్డారు. స్థానికులు వీరందరినీ హుటాహుటిన స్థానిక ప్రభుత్వాసుపత్రికి, ఒక కార్పొరేట్ ఆసుపత్రికి తరలించారు. తీవ్రంగా గాయపడిన వారిలో అంజిరెడ్డి, డి.రవికుమార్, ఎస్.ఆనందకుమార్, ఉదయ్ భాస్కర్, డేవిడ్, వై. శ్రీను, టి. నాని, బి. ప్రభుదాస్, జి.ప్రసాదరావు, ఎన్.రమణయ్య, లక్ష్మీనరసింహరావు, వెలుగుర్తి శ్రీనివాసరావుతదితరులున్నారు. వీరిలో కొందరు ఒడిసా రాష్ట్రానికి చెందినవారు. ప్రమాదం సమాచారం అందుకున్న నరసాపురం ఎంపి డాక్టర్ గోకరాజు గంగరాజు, సబ్-కలెక్టర్ ఎఎస్. దినేష్‌కుమార్, భీమవరం ఎమ్మెల్యే పులపర్తి రామాంజనేయులు, మున్సిపల్ ఛైర్మన్ కొటికలపూడి గోవిందరావు సంఘటనాస్థలానికి చేరుకున్నారు. చికిత్సపొందుతున్న బాధితులను పరామర్శించారు. బాధితులందరికీ ఉచితంగా వైద్యసహాయం అందిస్తామని ప్రకటించారు. సిమెంట్, కాంక్రీట్ లోడు ఎక్కువ కావడం, హెవీ ఐరన్ ఉండటంతో బరువు ఎక్కువై శ్లాబ్ కూలిపోయిందని భావిస్తున్నారు. అయితే శిథిలాల కింద ఇంకా ఎవరైనా చిక్కుకునానరేమో అనే అనుమానంతో గ్యాస్ కట్టర్లతో తొలగించే పని చేపట్టారు. రాత్రి వరకూ పనులు కొనసాగుతున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.