రాష్ట్రీయం
రాజ్‌భవన్‌లో ఘనంగా ఉగాది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 28: శ్రీహేమలంబ నామ ఉగాది నూతన సంవత్సరాన్ని పురస్కరించుకొని మంగళవారం సాయంత్రం రాజ్‌భవన్‌లో ఉగాది వేడుకలు ఘనంగా జరిగాయి.
ఈ కార్యక్రమానికి తెలంగాణ ముఖ్యమంత్రి కె చంద్రశేఖర్‌రావు, ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు, ఆ రాష్ట్ర ప్రతిపక్ష నాయకుడు వైఎస్ జగన్, కేంద్ర మంత్రి బండారు దతాత్రేయ, తమిళనాడు మాజీ గవర్నర్ కె రోశయ్య తదితర ప్రముఖులతో పాటు తెలుగు రాష్ట్రాలకు చెందిన ఉప ముఖ్యమంత్రులు, స్పీకర్లు, శాసనమండలి చైర్మన్లు, పలువురు మంత్రులు, ప్రజా ప్రతినిధులు పెద్ద సంఖ్యలో తరలివచ్చారు.
గవర్నర్ ఇఎస్‌ఎల్ నరసింహన్ దంపతులు అతిథులను సాధరంగా ఆహ్వానించారు. ఈ సందర్భంగా ముఖ్యమంత్రి కెసిఆర్ మాట్లాడుతూ, ప్రతీ ఏటా గవర్నర్ రాజ్‌భవన్‌లో ఉగాది వేడుకలను ఘనంగా నిర్వహించడం మంచి పరిణామమన్నారు. హేమలంబ నామ సంవత్సరంలో అందరూ బాగుంటాలని సిఎం కెసిఆర్ ఆకాంక్షించారు. ఆంధ్రప్రదేశ్ ముఖ్యమంత్రి ఎన్ చంద్రబాబు నాయుడు మాట్లాడుతూ, ఉగాది అనగానే అందరికీ గుర్తుకొచ్చేది పచ్చడేనన్నారు. ఉగాది రోజు పచ్చడి రుచి చూశాకే మిగిలిన పనులు ప్రారంభిస్తామని గుర్తు చేశారు.
ఈ ఏడాది అంతా మంచి జరుగుతుందని పంచాంగ శ్రావణంలో చెప్పారని, పాలకులు కూడా కోరుకునేది ప్రజలంతా ఆనందంగా ఉండాలనేనని అన్నారు. ఈ సందర్భంగా రాజ్‌భవన్‌లో పంచాంగ శ్రావణం, సాంస్కృతిక కార్యక్రమాలు నిర్వహించారు.
చిత్రాలు..
తెలంగాణ సిఎం కెసిఆర్, కేంద్రమంత్రి దత్తాత్రేయ, ఏపి సిఎం చంద్రబాబు, గవర్నర్ నరసింహన్ దంపతులకు అభివాదం చేస్తున్న ఏపిలో ప్రతిపక్ష నేత వైఎస్ జగన్.
*శ్రీ హేమలంబ నూతన సంవత్సరాన్ని పురస్కరించుకొని పంచాంగ పఠనం చేస్తున్న కె.శ్రీధర్‌శర్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.