రాష్ట్రీయం
టిటిడి ఇఒగా ఎకె సింఘాల్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 1: తిరుమల తిరుపతి దేవస్థానం కార్యనిర్వహణాధికారిగా అనిల్ కుమార్ సింఘాల్ నియమితులయ్యారు. ఇప్పటివరకూ ఆయన న్యూఢిల్లీలో ఏపి భవన్ రెసిడెంట్ కమిషనర్‌గా పనిచేశారు. టిటిడి ఇఓ పదవిని ఉత్తరాదికి చెందిన సింఘాల్‌కు ఇచ్చే ప్రయత్నాలు జరుగుతున్నాయని, దానిపై తెలుగు ఐఏఎస్‌లతోపాటు దక్షిణాదికి చెందిన ఐఏఎస్‌లు కూడా అసంతృప్తితో ఉన్నారంటూ గతనెల 28న ఆంధ్రభూమి దినపత్రిక పేర్కొన్న విషయం తెలిసిందే. ప్రభుత్వం టిటిడి ఇవో నియామకం విషయంలో విమర్శలను లెక్కచేయకుండా తాను అనుకున్న అధికారినే నియమించింది. ఫలితంగా టిటిడిలో తొలిసారి ఉత్తరాది అధికారి పాలనకు తెరలేచినట్టయింది. సింఘాల్‌తోపాటు మరో నలుగురు ఐఎఎస్‌లను కూడా ప్రభుత్వం బదిలీ చేసింది. టిటిడి ఇవోగా సుదీర్ఘ కాలం సేవలందించిన డి సాంబశివరావు రెవెన్యూ విభాగం స్పెషల్ చీఫ్ సెక్రటరీగా నియమితులయ్యారు. కేంద్ర ప్రభుత్వ సర్వీసుల్లో ఉన్న ప్రవీణ్ ప్రకాష్ ఎపిభవన్ రెసిడెంట్ కమిషనర్‌గా నియమితులయ్యారు. ఆయన బాధ్యతలు స్వీకరించే వరకూ ఎపి భవన్ స్పెషల్ కమిషనర్ అర్జా శ్రీకాంత్ ఇన్‌చార్జిగా వ్యవహరిస్తారు. పోస్టింగ్ కోసం ఎదురుచూస్తున్న బాబు అహ్మద్ ఎపి స్టేట్ ఫైబర్‌నెట్ లిమిటెడ్ ఎండిగా నియమితులయ్యారు. ఎపిఐఐసి ఎండి (ఇన్‌చార్జి), రియల్‌టైం గవర్నెన్సు ఇఒ (ఇన్‌చార్జి)గా కూడా వ్యవహరిస్తారు. విజయవాడ మున్సిపల్ కమిషనర్‌గా ఎపిఐఐసి ఎండి జె నివాస్‌ను నియమిస్తూ ఉత్తర్వులు జారీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.