రాష్ట్రీయం
అట్టపెట్టెలో మృత శిశువు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 2: సర్కారు వైద్యానికి పట్టిన నిర్లక్ష్యపు రోగం వదిలినట్టు లేదు. కార్పొరేట్ ఆసుపత్రులకు దీటుగా ప్రభుత్వాస్పత్రుల సేవలు ఆధునీకరించేందుకు ప్రభుత్వం ఎన్ని చర్యలు చేపట్టినా, పరిస్థితులో మార్పు రావటం లేదు. దేశంలోనే అతిపెద్ద రిఫరెల్ ఆసుపత్రిగా పేరుగాంచిన నిలోఫర్ ఆసుపత్రి తీరు ఇందుకు భిన్నంగా లేదు. తొమ్మిది నెలలపాటు ఇక్కడే నెలసరి వైద్య పరీక్షలు చేయించుకున్న ఓ గర్భిణికి, ప్రసవం తర్వాత బిడ్డ చనిపోయిందంటూ మృతదేహాన్ని అట్టపెట్టెలో పెట్టి ఇవ్వటం సంచలనమైంది. వరంగల్‌కు చెందిన గర్భిణి గత తొమ్మిది నెలలుగా నిలోఫర్‌లో వైద్య పరీక్షలు చేయించుకుంది. కొద్దిరోజుల క్రితం వరకూ వైద్యులు శిశువు పరిస్థితి బాగానే ఉందని, కొంతబరువు తక్కువ ఉందని చెప్పుకుంటూ వచ్చారు. ప్రసవ సమయం రావడంతో గర్భిణిని సోమవారం ఆసుపత్రిలో చేర్చారు. అపుడూ వైద్య పరీక్షలు నిర్వహించి కడుపులో బిడ్డ క్షేమంగానే ఉన్నట్టు చెప్పారు. మంగళవారం ఉదయం 11 గంటలకు పురుడు పోసి, శిశువు చనిపోయిందంటూ మృతదేహాన్ని అట్టపెట్టెలో పెట్టి ఇచ్చారని బంధువులు భోరుమంటున్నారు. ఇదేంటని బంధువర్గం ప్రశ్నిస్తే, మొదటినుంచీ శిశువు తక్కువ బరువుతో బలహీనంగా ఉందని, తల్లి కడుపులోనే చనిపోయినట్టు ఆస్పత్రి వర్గాలు స్పష్టం చేశాయి. ఈ విషయం మొదట్లో వైద్యులు చెప్పలేదని, కడుపులో బిడ్డ చనిపోయి ఉండివుంటే తల్లి ప్రాణానికీ ముప్పు ఏర్పడి ఉండేదని బంధువర్గం గగ్గోలు పెడుతోంది. దీనికితోడు శిశువు మృతదేహాన్ని నిర్లక్ష్యంగా అట్ట పెట్టేలో పెట్టి తమకివ్వడం మరింత బాధాకరంగా ఉందని బాధితులు ఆవేదన వ్యక్తం చేశారు. ఆసుపత్రి వర్గాల చర్యను బాధిత వర్గం ఆగ్రహంతో నిలదీసింది. అదే సమయంలో ఆరోగ్య మంత్రి లక్ష్మారెడ్డి కొత్త బ్లాకు సందర్శించేందుకు వస్తుండటంతో, అక్కడకు వచ్చిన కొందరు మీడియా ప్రతినిధుల కంట ఘోరం పడింది. బాధితుల నుంచి వివరాలు తెలుసుకుంటుండగా, ఆసుపత్రి సెక్యూరిటీ అడ్డుకోవడం గమనార్హం.
చిత్రం..నిలోఫర్ సిబ్బంది అట్టపెట్టలో పెట్టి ఇచ్చిన మృతశిశువు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.