రాష్ట్రీయం
రవాణా బాదుడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 9: పెద్దనోట్ల రద్దు తర్వాత తగ్గిన ఆదాయాన్ని పూడ్చుకోవడానికి వినియోగదారులపై రవాణాశాఖ యూజర్ చార్జీలను భారీగా పెంచింది. వివిధ సేవల కింద వినియోగదారుల నుంచి వసూలు చేస్తున్న అన్ని యూజర్ చార్జీలను దాదాపు రెట్టింపు చేసింది. పెంచిన యూజర్ చార్జీలకు ప్రభుత్వం ఆమోద ముద్ర వేయడంతో రెండు మూడు రోజుల్లో అధికారిక ఉత్తర్వులు జారీ కానున్నాయి. రవాణా శాఖలో రాబడికి ప్రధాన వనరులుగా ఉన్న ద్విచక్ర, త్రిచక్ర, నాలుగు చక్రాల వ్యక్తిగత వాహనాలు, వాణిజ్య వాహనాలు, ప్యాసింజర్ వాహనాల రిజిస్ట్రేషన్ సర్ట్ఫికేట్ (ఆర్‌సి) చార్జీలను ఒక్కసారిగా పెంచేసింది. నాన్ ట్రాన్స్‌పోర్టు ద్విచక్ర వాహన రిజిస్ట్రేషన్ సర్ట్ఫికేట్ చార్జీని రూ.100 నుంచి 200కు పెంచింది. ఆటో రిక్షాల రిజిస్ట్రేషన్ ఫీజును రూ.100 నుంచి 150కి పెంచింది. నాలుగు చక్రాల వాహనాల రిజిస్ట్రేషన్ సర్ట్ఫికేట్ ఫీజును రూ.200 నుంచి 400కు పెంచింది. డ్రైవింగ్ లెర్నింగ్ లైసెన్స్ యూజర్ చార్జీని రూ.30 నుంచి రూ.100కు, లైట్ మోటర్ వెహికిల్ లైసెన్స్ చార్జీని రూ.100 నుంచి రూ.300కు, లైట్ మోటర్ వెహికిల్ ట్రాన్స్‌పోర్టు డ్రైవింగ్ లైసెన్స్ చార్జీని రూ.50 నుంచి రూ.200కు పెంచింది. హెవీ వెహికిల్ నాన్ ట్రాన్స్‌పోర్టు డ్రైవింగ్ లైసెన్స్ చార్జీని రూ.100 నుంచి రూ.300కు పెంచింది. ఆటో రిక్షా ఫిట్‌నెస్ సర్ట్ఫికేట్ చార్జీలను రూ.30 నుంచి రూ.100కు పెంచింది. ఇతర వాహనాల ఫిట్‌నెస్ సర్ట్ఫికేట్ చార్జీలను కూడా రూ.60 నుంచి రూ.200కు పెంచింది.కాగా రెండవ వాహనంపై ప్రస్తుతం అదనంగా వసూలు చేస్తున్న 2 శాతం పన్ను చెల్లించాలన్న నిబంధనను ఎత్తివేయడానికి ప్రభుత్వం గ్రీన్ సిగ్నల్ ఇచ్చినట్టు అధికార వర్గాల సమాచారం. ప్రస్తుతం కొత్త వాహనం కొనుగోలుపై లైఫ్ టాక్స్‌గా 12 శాతం వసూలు చేస్తుండగా, రెండవ వాహనం కొనుగోలుపై అదనంగా రెండు శాతం (14 శాతం) వసూలు చేస్తున్న విషయం తెలిసిందే. వాహనాల కొనుగోళ్లు పెరుగుతున్న నేపథ్యంలో ఆ మేరకు ప్రభుత్వానికి ఆదాయం పెరుగుతున్న దృష్ట్యా రెండవ వాహనం కొనుగోలుపై అదనంగా చార్జీలు వసూలు చేయడం సబబు కాదంటూ రవాణాశాఖ చేసిన ప్రతిపాదనకు ప్రభుత్వం ఆమోదం తెలిపినట్టు అధికార వర్గాల సమచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.