రాష్ట్రీయం
నిర్లక్ష్యానికి ఇదీ మూల్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 10: అతి విశ్వాసం, నిర్లక్ష్యం, వేగమే మంత్రి నారాయణ కుమారుడు నిషిత్, చిన్ననాటి మిత్రుడు రవివర్మను పొట్టన పెట్టుకున్నాయి. ప్రమాద సమయంలోనూ ప్రాణాలకు ఎలాంటి ముప్పూ కలిగించని ఖరీదైన కారులో ప్రయాణిస్తున్నా, ఇద్దరూ ప్రాణాలు వదిలేశారంటే వేగం తీవ్రతను అంచనా వేయొచ్చని రోడ్డు సేఫ్టీ నిపుణులు అంటున్నారు. ప్రమాదానికి గురైన కారు అత్యంత భద్రతా ప్రమాణాలు కలిగిన రెండున్నర కోట్ల రూపాయల మెర్సిడెస్ బెంజ్. యూరో ప్రమాణాలకు అనుగుణంగా తయారైన జర్మనీ కారు మెట్రో పిల్లర్‌ను ఢీకొని తుక్కుతుక్కు అయిపోయిందంటే, ప్రమాదం తీవ్రతను అంచనా వేయొచ్చు. నిషిత్‌కు ముందునుంచే కారు వేగంగా నడిపే అలవాటుంది. గతంలో వేగంగా కారు నడిపినందుకు ట్రాఫిక్ పోలీసులు జరిమానాలు విధించారు. ఒక్క ఏడాదిలోనే అతివేగం కారణంగా నిషిత్‌కు నాలుగుమార్లు జరిమానాలు విధించినట్టు ట్రాఫిక్ పోలీసులు చెబుతున్నారు. గత జనవరి 24న గండిపేట వద్ద నిషిత్ 150 కిలోమీటర్ల వేగంతో కారు నడుపుతూ ట్రాఫిక్ పోలీసుల స్పీడ్ గన్ కెమెరాలకు చిక్కాడు. అలాగే గత మార్చి 1న మరోసారి గండిపేట వద్ద 150 కిలోమీటర్ల వేగంతో, మార్చి 10న మాదాపూర్ ఔటర్ రింగ్‌రోడ్డులో అతివేగంతో కారు నడిపినట్టు ట్రాఫిక్ పోలీసుల సమాచారం. కారును అతివేగంగా నడిపిన నేరం కింద టిఎస్ 07 ఎఫ్‌కే 7117పై రూ.4,305 జరిమానాలు ట్రాఫిక్ పోలీసులు విధించారు. తాజా ప్రమాదాన్ని బట్టి మితిమీరిన వేగంతో కారు నడపటం నిషిత్‌కు అలవాటుగా తెలుస్తోంది. కాగా ప్రమాదానికి గురైనప్పుడు నిషిత్ 200 కిలోమీటర్ల వేగంతో కారు డ్రైవ్ చేస్తున్నట్టు పోలీసులు గుర్తించారు. సర్వీలెన్స్‌లకు సైతం అందనంత వేగంగా కారు నడుపుతున్నట్టు గుర్తించామని ట్రాఫిక్ పోలీస్ అధికారి ఒకరు వెల్లడించారు. ప్రమాదం జరిగిన సమయంలో స్పీడోమీటర్ స్తంభించటంతో, అది 200 కెఎంపిహెచ్ వేగాన్ని సూచిస్తుండటం గమనార్హం.
చిత్రం..200 కిలోమీటర్ల వేగాన్ని సూచిస్తూ స్తంభించిన స్పీడోమీటర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.