రాష్ట్రీయం
నెల్లూరుకు చేరిన నిషిత్ మృతదేహం
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు రూరల్, మే 10: నిషిత్ నారాయణ పార్థివదేహాన్ని బుధవారం రాత్రి నెల్లూరులోని నారాయణ మెడికల్ కళాశాలలోని ఆయన నివాసానికి అంబులెన్స్ ద్వారా తీసుకొచ్చారు. మృతదేహాన్ని చూసిన వెంటనే ఇంటి వద్ద ఉన్న బంధువులు, వివిధ కళాశాల సిబ్బంది ఆర్తనాదాలు మిన్నంటాయి. నారాయణ కుటుంబాన్ని బుధవారం రాత్రి ఐటి శాఖ నారా లోకేష్ పరామర్శించి ప్రగాఢ సానుభూతిని తెలిపారు. ఆయనతోపాటు మంత్రులు పరిటాల సునీత, కామినేని శ్రీనివాసులు, కళా వెంకట్రావు, చిన్నరాజప్ప, పత్తిపాటి పుల్లారావు, ఎంపి కేశినేని నాని, రాజ్యసభ్యుడు సిఎం రమేష్, మాజీ మంత్రి ఆనం రామనారాయణరెడ్డి, రూరల్ ఎమ్మెల్యే కోటంరెడ్డి శ్రీ్ధర్‌రెడ్డి, నగర ఎమ్మెల్యే అనిల్‌కుమార్ యాదవ్, సర్వేపల్లి ఎమ్మెల్యే కాకాణి గోవర్థన్‌రెడ్డి, కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి, జిల్లా కలెక్టర్ ముత్యాలరాజు, జెసి ఇంతియాజ్ అహ్మద్, నారాయణ కుటుంబాన్ని కలిసి పరామర్శించిన వారిలో ఉన్నారు.
నిషిత్ మృతి బాధాకరం: లోకేష్
ఈ సందర్భంగా మంత్రి నారా లోకేష్ మాట్లాడుతూ, ఏ కుటుంబానికి ఇంతటి కష్టం రాకూడదని, మంత్రి నారాయణలాంటి మంచి వ్యక్తికి ఇంతటి అన్యాయం జరగడం ప్రతి ఒక్కరిని కలచివేస్తోందన్నారు. ఆ కుటుంబాన్ని మనోధైర్యంతో మరలా తమ జీవితాలను ముందుకు సాగేవిధంగా దేవున్ని కోరుకుంటున్నట్లు ఆయన తెలిపారు. శత్రువుకైనా ఇలాంటి కడుపుకోత రాకూడదని ఆయన అన్నారు. మంత్రి నారాయణ లండన్ నుండి బయలుదేరారన్నారు. వేకువజామున నాలుగు గంటల లోపు నెల్లూరు చేరుకోవచ్చని పలువురు తెలిపారు.
నేడు అంత్యక్రియలు
నిషిత్ నారాయణ అంత్యక్రియలు నేడు బోడిగాడితోటలో నిర్వహించడానికి అన్ని ఏర్పాట్లు చేస్తున్నట్లు నారాయణ కుటుంబ సభ్యులు తెలిపారు. గురువారం ఉదయం ప్రజల దర్శనార్థం పార్థివదేహాన్ని నారాయణ మెడికల్ కళాశాల ఆవరణలో ఉంచుతారని, అక్కడ నుండి ఊరేగింపుగా బోడిగాడితోటకు తీసుకెళతారని నారాయణ బంధువులు తెలిపారు.
చిత్రం..నిషిత్ పార్ధివ దేహం వద్ద రోదిస్తున్న కుటుంబ సభ్యులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.