రాష్ట్రీయం
మహాకవి మహాప్రస్థానం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 12: తెలుగు సాహితీ, సినీ లోకం మూగవోయింది. ఓ మహాస్రష్టను కోల్పోయింది. దశాబ్దాల పాటు తెలుగు సాహితీ, సినీ రంగాలను తనదైన విశిష్టతతో ప్రభావితం చేసిన బహుముఖ ప్రజ్ఞాశాలి, విశ్వంభరుడు పద్మభూషణ్, జ్ఞానపీఠ్ పురస్కార గ్రహీత డాక్టర్ సింగిరెడ్డి నారాయణ రెడ్డి(86) సోమవారం ఉదయం కన్నుమూశారు. ఊపిరితిత్తులు, శ్వాసకోశ సమస్యలతో గత వారం రోజులుగా కేర్ ఆస్పత్రిలో చికిత్స పొందుతున్న సినారె తుదిశ్వాస విడిచారు. కోలుకుంటున్నారని భావించినంతలోనే పరిస్థితి విషమించి ఆయన దూరమయ్యారని కుటుంబ సభ్యులు తెలిపారు. కేర్ ఆస్పత్రి నుండి ఉదయమే ఆయన మృతదేహాన్ని ఇంటికి తరలించారు. నారాయణ రెడ్డి నివాసం వద్దకు మంత్రులు, నాయకులు, విద్యావేత్తలు చేరుకుని నివాళులు అర్పించారు.
నారాయణ రెడ్డి భార్య సుశీల కాగా, ఆయనకు నలుగురు కుమార్తెలు గంగ, యమున, సరస్వతి, కృష్ణవేణి ఉన్నారు. సి నారాయణ రెడ్డి అంతిమసంస్కారం అధికార లాంఛనాలతో బుధవారం ఉదయం 11గంటలకు జూబ్లీహిల్స్‌లోని మహాప్రస్థానంలో నిర్వహించనున్నారు. డెట్రాయిట్‌లో ఉన్న ఆయన మనవడు ఇప్పటికే బయలుదేరారని, ఆయన రాగానే అంత్యక్రియలు నిర్వహిస్తామని కుటుంబ సభ్యులు పేర్కొన్నారు. డాక్టర్ సి.నారాయణ రెడ్డి అంతిమ సంస్కారాన్ని అధికారిక లాంఛనాలతో నిర్వహించేలా పర్యవేక్షణ బాధ్యతను ప్రభుత్వం మున్సిపల్ మంత్రి కెటిఆర్‌కు అప్పగించారు.
కెటిఆర్‌తో పాటు తాను కూడా ఆ బాధ్యతల్లో పాలుపంచుకుంటానని మంత్రి జగదీశ్వర్‌రెడ్డి చెప్పారు.
చిత్రం.. 1931- 2017 *డాక్టర్ సింగిరెడ్డి నారాయణ రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.