రాష్ట్రీయం
జీవో 39పై 11న ధర్నా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 7: తెలంగాణ ప్రజల పాలిట తెరాస ప్రభుత్వ పాలన శాపంగా మారిందని టిపిసిసి అధ్యక్షుడు ఎన్.ఉత్తమ్‌కుమార్ రెడ్డి విమర్శించారు. ప్రభుత్వ వైఖరి వల్ల రైతాంగం తీవ్ర ఆందోళన చెందుతోందని అన్నారు. గురువారం గాంధీభవన్‌లో ఆయన విలేఖరుల సమావేశంలో మాట్లాడుతూ రైతుల విషయంలో సిఎం కెసిఆర్ పూర్తి నిర్లక్ష్యం వహించారని అన్నారు. రుణమాఫీ, వడ్డీ భారం ప్రభుత్వమే భరిస్తుందని శాసనసభలో సిఎం కెసిఆర్ చెప్పి, ఆచరణలో మాట మార్చారని అన్నారు. తెరాస మూడేళ్ల పాలనలో ఆహార ధాన్యాల ఉత్పత్తి 107 లక్షల టన్నుల నుంచి 47 లక్షల టన్నులకు పడిపోగా, పంటల బీమా ద్వారా ఒక్క రూపాయి రైతులకు అందలేదని అన్నారు. ఏ పంటకూ కూడా మద్దతు ధర ఇవ్వడం లేదని ఆరోపించారు. ఇలాంటి పరిస్థితిలో రైతుల నెత్తిన రైతు సమన్వయ సమితులు పేరుతో తెరాస నేతలు, ప్రజాప్రతినిధులకు అధికారం కట్టబెడుతూ రైతు సమన్వయ సమితులను ఏర్పాటు చేయడం దారుణమని అన్నారు. ఇందుకు అనుగుణంగా ప్రభుత్వం జారీ చేసిన జివో 39ను తాము వ్యతిరేకిస్తున్నామని అన్నారు. ఈ నెల 11న అన్ని శాసనసభ నియోజకవర్గాల్లో ధర్నా చేపట్టాలని నిర్ణయించినట్లు ఉత్తమ్‌కుమార్‌రెడ్డి వెల్లడించారు. రాష్ట్రంలో రైతులను కాపాడుకునేందుకు కాంగ్రెస్ పార్టీ ఆధ్వర్యంలో రైతు సంరక్షణ సమితులను ఏర్పాటు చేస్తున్నట్లు తెలిపారు. ప్రభుత్వం ఏర్పాటు చేయబోతున్న రైతు సమన్వయ సమితులు అనేది పూర్తిగా తెరాస కమిటీలుగా భావించాల్సి వస్తోందని, రైతులకు, రైతు సంఘాలకు ఇది ఎంతమాత్రం ఆమోద యోగ్యం కాదని అన్నారు. ఎన్నికల స్టంట్ మాదిరగా ఎకరాకు రూ.4 వేల ఆర్థిక సహాయం అందించేందుకు ప్రభుత్వం ప్రయత్నిస్తోందని విమర్శించారు. ఈ పథకాన్ని అన్ని రకాల భూములకు వర్తింప చేయాలని, అసైన్డ్ భూములకూ ఇవ్వాలని ఆయన డిమాండ్ చేశారు.
చిత్రం..మీడియా సమావేశంలో మాట్లాడుతున్న టి.పిసిసి అధ్యక్షుడు ఉత్తమ్‌కుమార్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.