రాష్ట్రీయం
ఇక పారిశ్రామిక తీరం
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, సెప్టెంబర్ 11: తూర్పు గోదావరి జిల్లా కాకినాడ తీరంలో భారీ పరిశ్రమలకు ఏర్పాటుకు మార్గం సుగమమైంది. రాష్ట్ర ప్రభుత్వ తాజా నిర్ణయంమేరకు తీరంలో భారీ పరిశ్రమల స్థాపన వ్యవహారం కొలిక్కి వచ్చింది. మూడేళ్లుగా ఊరిస్తున్న పలు ప్రాజెకులు కొలువు తీరడానికి దారులు ఏర్పడ్డాయ. కొత్త పోర్టు సహా రూ.1169 కోట్ల పెట్టుబడితో ఏడు భారీ పరిశ్రమలు ఇక్కడ ఏర్పాటు కానున్నాయి. అలాగే వేల కోట్ల వ్యయంతో ప్రభు త్వ, ప్రైవేటు పార్టనర్ షిప్ పద్ధతిలో పలు ప్రాజెక్టులు నిర్మాణం కానున్నాయి. తెలుగుదేశం ప్రభుత్వం ఏర్పడి మూడున్నరేళ్లు గడచిన నేపథ్యంలో ఇప్పటికే ఆయా సంస్థలతో కుదుర్చుకున్న ఒప్పందాల మేరకు ప్రాజెక్టుల నిర్మాణాన్ని చేపట్టాలని నిర్ణయించారు. తాజాగా నిర్వహించిన కేబినేట్ సమావేశంలో కాకినాడ తీరంలోని కోన ప్రాంతంలో కొత్త పోర్టు నిర్మాణానికి ప్రభుత్వం గ్రీన్‌సిగ్నల్ ఇచ్చింది. పోర్టు నిర్మాణాన్ని చేపట్టడానికి అవసరమైన ఆదేశాలను ప్రభుత్వం జారీచేసింది. ఏపీ పెట్రోకెమికల్ ప్రాజెక్టు ఏర్పాటుకు యుద్ధప్రాతిపదికన చర్యలు తీసుకోవాలని ప్రభుత్వం ఆదేశించింది. గతంలో కాకినాడ తీర ప్రాంతానికిచ్చిన హామీలతో పాటు ఇటీవల సిఎం చంద్రబాబు కార్పొరేషన్ ఎన్నికల ప్రచారంలో ఇచ్చిన హామీలకూ ప్రభుత్వం ప్రతిష్ఠాత్మకంగా తీసుకుంది. కోనలో త్వరలో మూడో పోర్టు నిర్మిస్తామని చంద్రబాబు ప్రకటించారు. వెనువెంటనే దీని నిర్మాణానికి కేబినేట్ సమావేశంలో ఆమోదం తెలిపారు. ప్రతిష్ఠాత్మకంగా భావిస్తున్న ఏపీ పెట్రోకెమికల్ ప్రాజెక్టు ఏర్పాటుకు అవసరమైన చర్యలు తీసుకోవాలని ఆదేశించారు. దీంతో అధికార యంత్రాంగం ఈ ప్రాజెక్టుకు అవసరమైన వౌలిక సౌకర్యాల కల్పనకు చర్యలు చేపట్టింది. ఏపీ పెట్రోకెమికల్ ప్రాజెక్టును గెయిల్, హెచ్‌పిసిఎల్, రాష్ట్ర ప్రభుత్వం సంయుక్తంగా ఏర్పాటు చేస్తున్నాయి. కాకినాడ సెజ్‌లో 2వేల ఎకరాల భూమిని ప్రాజెక్టుకు కేటాయించారు. ఉద్యోగుల టౌన్‌షిప్‌కు 150 ఎకరాలను సెజ్‌లోనే కేటాయించారు. పెట్రోకెమికల్ ప్రాజెక్టుకు ముడి సరుకుల దిగుమతి, నిల్వ, ఎగుమతి తదితర వసతుల కోసం మరో 100 ఎకరాలను కాకినాడ పోర్టు పక్కనే కేటాయించారు. ఈ ప్రాజెక్టు నిర్మాణానికి సిఎం చంద్రబాబు త్వరలో శంకుస్థాపన చేయనున్నారు. భారీ పరిశ్రమలకు అనుబంధంగా చిన్న, మధ్య తరహా పరిశ్రమలనూ ప్రోత్సహిస్తున్నారు. కాకినాడ తీరంలో రూ.345 కోట్ల పెట్టుబడితో 414 చిన్న, మధ్య తరహా పరిశ్రమలకు అనుమతులు జారీచేశారు. కాకినాడ సెజ్ కార్యకలాపాలను ముమ్మరంచేసే దిశగా సంస్థ యాజమాన్యం సన్నాహాలు చేస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.